Terrau
.jpg)
O terrau ye a zona d'a casa ubierta a l'aire libre, a estensión exterior habitable d'una vivienda sobre o libel d'o terreno, provista de barandaus u muros baixos. Tamién ye a cubierta plana utilizable d'un edificio.
Caracteristicas[editar | modificar o codigo]
Encara que as suyas caracteristicas fisicas varían, un terrau se pareixe a una cambra sin muros exteriors, a vegadas mesmo sin teito, y ye muito mas amplo que no una balconada. Os terraus son muit versátils en termins de funcionalidat; pueden estar utilizaus pa una gran variedat d'actividatz: como puesto de reunión, d'entretenimiento, de relaxación, pa prener o sol y tamién como puesto pa minchar.
Historia[editar | modificar o codigo]
Apareixe como estensión utilizable d'as casas de cubierta plana, en as regions soliadas, con baixa pluviosidat, como as de l'Antigo Echipto y as zonas riberanas d'a mar Mediterrania. Se torna a utilizar profusament con o Movimiento Moderno en planteyar-se, en os edificios de viviendas en altaria, creyar un espacio habitable a l'aire libre, bien soliau, con plantas, mirando d'imitar as caracteristicas d'os porches d'as viviendas unifamiliars.