Chabier

Chabier
Sant Francisco Chabier
Orichen	Basco
Chenero	Masculín
Santoral	3 d'aviento
Significau	Casa nueva
Zona	Cristianismo
Articlos en Biquipedia	Todas as pachinas que prencipian por Chabier

Chabier^[1] ye un antroponimo es un masculín d'a relichión catolica que tien o suyo orichen en o santo catolico sant Francisco Chabier.

A variant femenina d'o nombre ye Chabiera^[1] y o suyo hipocoristico mas emplegau Chabi. Actualment ye un nombre muit popular, en as suyas diferents luengas, tanto en Espanya como en Hispanoamerica y, parcialment, en Guinea Ecuatorial.

Etimolochía

O nombre d'iste personache deriva d'o suyo puesto de naiximiento, o castiello de Xabier, en Navarra; por a suya parti o nombre d'iste lugar deriva d'o basco etxe berri, que significa 'casa nueva'.

O nombre orichinal d'o lugar pasó a traviés d'os cambios foneticos d'o navarro-aragonés, luenga romanica charrada en o lugar vecín de Romanzado (se veiga tamién Leire) dende l'Alta Edat Meya. Eixemplos parellanos d'ista mesma transformación pueden estar Irunberri > Lumbier u Erronkari > Roncal. Dimpués o nombre pasó a atras luengas como o castellano.

Etxeberria, Echeverría, Echevarría, Etxebarri u Chávarri son apellius bascos que tienen a mesma etimolochía que iste nombre.

Variants

Variantes en otros idiomas
Alemán	Xaver
Anglés	Xavier
Asturiano	Xabel, Xavier
Basco	Xabier
Castellano	Javier
Catalán	Xavier
Francés	Xavier, Javert
Gallego	Xabier
Hongaro	Xavér
Italiano	Saverio
Latín	Xaverius
Polaco	Ksawery
Portugués	Xavier
Sardo	Xavier [ʒavier]

Referencias

1 2 (es) EDACAR Nº 9 - Antroponimia Aragonesa. Nombres de persona en aragonés. Comisión d'Onomastica de l'Academia de l'Aragonés. ISSN: 1988-8139. Marzo de 2014.

Bibliografía

(es) "El libro de los Santos". José María Montes Vicente. Alianza, Madrid, 2001. ISBN 84-206-7203-3.
(es) "Diccionario etimológico comparado de nombres propios de persona". Gutierre Tibón. Fondo de Cultura Económica, México, 1994. ISBN 968-16-2284-7.
(es) "El gran libro de los Nombres". Manuel Yáñez Solana. M. E. Editores. Madrid, 1995. ISBN 84-495-0232-2.

Datos: Q1142232
Multimedia: Javier (given name) / Q1142232

[antroponimos_EFA-1] 1 2 (es) EDACAR Nº 9 - Antroponimia Aragonesa. Nombres de persona en aragonés. Comisión d'Onomastica de l'Academia de l'Aragonés. ISSN: 1988-8139. Marzo de 2014.

[1]