Cerretans

De Biquipedia
Ir a la navegación Ir a la búsqueda

Cerretans ye un nombre común de bellas comunidatz prerromanas y dimpués no guaire romanizatas que s'han documentato en bellas zonas pirenencas y han dixato sinyals toponimicas (a comarca d'a Cerdanya) y antropononimicas (apellitos chentilicios Cerdán en aragonés y Cerdà en catalán).

Tradicionalment los historiadors los han considerato ibers, pero bells elementos de cultura iberica trobatos en lur tierra son d'epoca romana, como a escritura iberica, y pueden estar un resultato d'a primera etapa de romanizazión, que estió con l'ibero y no con o latín como luenga prencipal.

Cerretans orientals[editar | editar código]

Os cerretans orientals viviban en a Cerdanya, comarca que prene nombre d'ellos. En a parte francesa d'o suyo territorio s'han trobato iscripcions rupestres en alfabeto y idioma ibero.

Cerretans occidentals[editar | editar código]

Os cerretans occidentals viviban en o Sobrarbe y la val alta d'o Galligo. Estrabón y Plinio lo Viello comentan que o territorio d'os cerretans s'estendillaba dica mugar con os Iaccetans y vascons. En l'anyo 37 AC o proconsul román Cneu Domicio Calvín conquiere lur territorio.

En l'Alta Edat Meya formoron un estato cristián que s'oposaba a los musulmans de Zaragoza, que clamaban a l'Alto Aragón Xartaniya, u siga "tierra d'os Cerretans". En o suyo territorio bi ha muitos toponimos d'orichen antroponimico con a rematanza en -uei u -ui. Encara que bells lingüístas han considerato que as rematanzas -uei, -ui se remontarían a lo sustrato ilerchet, de feito o territorio con toponimos -uei, -ui no ye o territorio orichinal d'os ilerchez y i plegoron en una expansión tardana.