Polvo
O polvo[1] u a pols[1][2][3] ye o conchunto de particlas solidas de diametro menor de 500 micrometros, y de forma mes chenerica, a materia fina. O polvo se troba en suspensión en l'atmosfera terresre en dimanando de diferents puestos: polvera de tierra devantada con l'aire, erupcions volcanicas, combustión y polución. O polvo disperso en l'atmosfera se considera una forma d'aerosol y gosa tener efectos sobre as propiedaz y efectos de l'atmosfera frent d'a radiación solar, podendo arribar dica a causar efectos en o clima.
Nombre
[editar | modificar o codigo]En l'actualidat, o nombre con que se conoix este tipo de particlas ye «polvo» de forma cheneral per tot l'Alto Aragón. Manimenos, s'ha puesto documentar a forma «pols» como patrimonial en a val de Broto[2][3] y en Bielsa,[3] anque ye una forma que desusata pero que se conoix tamién per altros lugars en a comarca de Sobrarbe. A la favor d'ixe posible uso d'antigos d'a parola «pols», dica bien adintro de l'aria aragonesofablant. Se'n troba muestras en terminos que dimanan d'ella u que la contienen en a suya radiz, como «polsera» en Chistau[3] y en a val de Bielsa,[3] «polseguera» en l'aria de Graus[4][5] «polsín» en Chuseu,[3] y «espolsar».
Se veiga tamién
[editar | modificar o codigo]Referencias
[editar | modificar o codigo]- ↑ 1,0 1,1 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
- ↑ 2,0 2,1 (es) ALLUÉ NAVARRO, Mª Isabel et FUERTES CASAUS, Mª Pilar. Nombres para un paisaje (toponimia del Valle de Broto). Ed. Comarca de Sobrarbe + Diputación de Huesca; Zaragoza, 2006. ISBN 84-611-1141-9
- ↑ 3,0 3,1 3,2 3,3 3,4 3,5 (es) SAROÏHANDY, Jean-Joseph, Misión lingüística en el Alto Aragón (compilación de materials ineditos dende 1906); Xordica Editorial. Zaragoza, 2005. ISBN 84-96457-06-0
- ↑ (es) ARNAL PURROY, Mª Luisa, Diccionario del habla de la Baja Ribagorza Occidental -Huesca-; Gara d'Edizions. Zaragoza, 2003. ISBN 84-8094-052-2
- ↑ (an)(es) ANDOLZ CANELA, Rafael, Diccionario Aragonés, Aragonés-Castellano Castellano-Aragonés (5ª Ed.); Mira Editores. Zaragoza 2004. ISBN 84-8465-160-6
