Castel Capuano

De Biquipedia
Ir a la navegación Ir a la búsqueda
Castel Capuano
Fachada principal de Castel Capuano

castiello
Situación cheografica
Estato Italia
País Campania
' provincia de Naples
Situación Naples
Adreza
Coordenatas 40°51′11.77″N 14°15′50.97″E
Diocesi {{{diocesi}}}
Advocación {{{advocación}}}
Culto {{{culto}}}
Orden {{{orden}}}
Rector {{{rector}}}
Vicario parroquial {{{vicario1}}}
2.º Vicario parroquial {{{vicario2}}}
Mosen {{{mosen}}}
Propietario {{{propietario}}}
Administrador {{{administrador}}}
Director {{{director}}}
Coste {{{coste}}}
Vesitable {{{vesitable}}}
Altaria {{{altaria}}}
Pisos {{{pisos}}}
Amplaria {{{amplaria}}}
Largaria {{{largaria}}}
Superficie {{{superficie}}}
Diametro {{{diametro}}}
Aforo {{{aforo}}}
Altaria s.r.m. {{{altaria srm}}}
Atras {{{atras dimensions}}}
Alcance {{{alcance}}}
Iluminación {{{iluminación}}}
Potencia {{{potencia}}}
Arquitectura
Tipo
Estilo
Función fortaleza, residencia reyal
Catalogación
Materials
Construcción
Construcción sieglos XII-XIV
Fundador
Inicio 1140
Fin 1160
Inauguración
Destrucción
Equipo disenyador
Arquitecto Buono
Incheniero estructural
Incheniero de servicios
Incheniero civil
Atros
Premios
Localización
Castel Capuano en Italia
Castel Capuano
Castel Capuano
Situación de Castel Capuano en Italia
Pachina web
Pachina web [|castiellos de Naples]

Castel Capuano, antigament clamau Castel Capuana[1] ([Castel] Capuana en o Romance d'as Queixas d'Alfonso V), ye lo segundo castiello más antigo de Naples. D'orichen normando, está situau a la fin d'a Via dei Tribunali y ye la seu d'a sección civil d'o tribunal de Naples. Debe lo suyo nombre a estar ubicau cerca d'a Puerta Capuana, en o camino que iba enta l'antiga Capua.[2]

Historia[editar | editar código]

Oríchens[editar | editar código]

Se principió a construyir en 1140, por voluntat d'o rei Guillén I de Secilia y fue rematau en 1160 por l'arquitecto Buono. Está adotau de fortificacions bien recias y teneba funcions de residencia reyal d'os soberanos normandos.

Se transforma en a primer quartalada d'o sieglo XIII, por iniciativa de Frederico II, qui le da un carácter más hespitalario.

Periodo anchevín[editar | editar código]

Con a casa D'Anchú en o trono, se fizo una nueva fortaleza, Castel Nuovo, con función de residencia reyal. Castel Capuano se dixó ta ahuespedar a otros miembros d'a familia reyal, funcionarios y combidaus -como Petrarca, en 1370-.

Ladislau I de Naples (1399-1414) utilizó breument Castel Capuano como residencia reyal, y la suya chirmana Chuana II de Naples (1414-1435), fue obligada a refuchiar-se-ie en o enfrentamiento con Alifonso V d'Aragón, que heba establiu cort en Castel Nuovo. Sufrió allora o setio d'os aragonenes. D'aquí, a soberana partió enta Anvers, an nombró hereu a Loís III d'Anchú, en oposición a lo rebuyau Alifonso.

De residencia reyal a palacio de chusticia[editar | editar código]

Baixo lo reinau d'os aragoneses, Castel Capuano tuvo una función marguinal. Con Ferrando II, o Reino de Naples se constituye en Virreinato (1503), y Castel Capuano prene función de palacio de chusticia, que conservó cinco sieglos. O virrei Pedro de Toledo reunió todas cortz de chusticia d'a ciudat y, ta adaptar-se a la nueva función, se transformó en 1537. Os soterranios tamién s'adaptaron ta fer de prisión y cambras de tortura.

L'arquitectura[editar | editar código]

Castel Capuano, s. XVII, por Carlo Coppola

Exterior[editar | editar código]

En a portalada d'entra de Castel Capuano se troba una loseta que celebra la victoria de Carlos I en Tunicia y la data quan o castiello esdevino seu d'a Cort de Chusticia. A portalada está coronada con un gran alica bicefala, simbolo d'a Casa d'Austria, y as columnas d'Hercules con a leyenda Plus Ultra. En o nivel superior, o escudo d'a casa de Savoya, colocau dimpués d'a Unidat d'Italia, en puesto d'o escudo d'os Borbons. O reloch d'a fachada ye de l'anyo 1858. Superada la portalada, s'entra en un patio rodiau con un portico de columnas doricas. Iste espacio representa o nuclio d'o castiello, an se reuniban os letraus, testigos, acusaus... que veniban ta chudicio. En a parte de dezaga d'o castiello está la fuent d'o Formiello, con agua de l'aqüeducto d'o Formiello, construita en 1490 como abrevadero d'os caballos, y que fue refeita en 1583 por Michele de Guido y tiene lo escudo d'o virrei Pero d'Aragón.

Interior[editar | editar código]

Castel Capuano, Sala d'os Bustos

A sala d'os Bustos, situada en a primer planta, tiene os bustos de marbre d'os advogaus más famosos d'o foro de Naples. Considerada o corazón d'o castiello, huei s'i celebran avenimientos solemnes y reunions extraordinarias. Os frescos, con dotze figuras femininas, representan as provincias d'o reino. En o teito, os frescos de Biagio Molinari di Trani están divisos en tres campos, cadaguno d'os quals celebra la fuerza y o triunfo d'a Chusticia.

A sala d'a biblioteca fue seu d'o Gran Consello quan o reinau d'a Casa d'Anchú, ta pasar dimpués a estar sala d'audiencias d'a Gran Cort Creminal en o periodo borbonico. A biblioteca fue inaugurada lo 19 de julio de 1896 y contiene a redol de 80.000 volúmens, entre los que bi ha rarismas obras d'os sieglos XVI, XVII y XVIII que constituyen o fundo antigo.

Referencias[editar | editar código]

  1. Antonio Summonte: Dell'historia della città, e regno di Napoli. ove si descrivono le vite, e fatti de' suoi Re Aragonesi dall'anno 1442, fino all'anno 1500, Naples, 1675, t. 3; p. 494. [1]
  2. Gennaro Ruggiero, I castelli di Napoli, Newton Compton editori, Roma, 1995