Arctostaphylos uva-ursi

De Biquipedia
(Reendrezau dende Buxereta)
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Buxaruala

Buixaruala (Arctostaphylos uva-ursi), plena de lulos
Dominio: Eukaryota
Reino: Plantae
División: Magnoliophyta
Clase: Magnoliopsida
Orden: Ericales
Familia: Ericaceae
Chenero: Arctostaphylos
Especie: A. uva-ursi
Arctostaphylos uva-ursi
(L.) Spreng., 1825

La buixaruala u buixareta (Arctostaphylos uva-ursi (L.)) ye un arbusto perennifolio d'a familia d'as ericacias.

Una especie amanata, la buixaruala d'os Alpes (Arctostaphylos alpina (L.) Spreng.), ye de fuella caduca, flor blanco-verdenca y lulo negro.

Fitonimia[editar | modificar o codigo]

Lo nombre cientifico d'a buixaruala ye Arctostaphylos uva-ursi, d'orichen greco-latín. Consiste en a repetición d'un apelativo, "uga d'onso", que dan a lo lulo: en griego, arctos ("onso") y staphylos ("carrazo d'uga"); y en latín, uva-ursi ("uga d'onso").

Los nombres populars en aragonés son fitonimos derivaus d'o buxo, principalment buixaruala (pronunciato de muitas trazas diferents, y relacionato con o francés busserole y lo catalán boixerola), pero tamién buxareta (buixereta en benasqués), buxalina, ecetra.[1]

Descripción[editar | modificar o codigo]

Caracteristicas[editar | modificar o codigo]

La buixaruala ye un arbusto pomputo, d'una altaria regular que va de 15 a 30 cm. Esparde las suyas brancas, tenditas per tierra u pinchaderas, que plegan ta 1 u 2 m de largaria, de crosta de color royisca y fácil de desprender-sen. D'ellas, en rechitan rametas con as fuellas amuntonatas a un extremo, de color verda escura y lustrosas. Lo follamen ye simple, alterno y ovovato. Las flors son blanquinyosas u rosacias, en forma de copa, y de primavera s'acarrazan. Lo lulo, a bel puesto dito manzaneta, ye carnoso, d'una color roya prou viva cuan ye veroso, y con a carne de color blanca u sora, minchable, pero de sabor xasca y poco sucosa.

Toma en cualsiquier tipo de suelo, anque s'estima mes de fer-lo en terrenos secos, frescos, acidos u neutros. Ye sensible a la humidat estancata y de medro muito lento.

  • Climas: normal, fredo, solano
  • Interés: flors (meliferas), lulos decorativos, no comestible

Florata[editar | modificar o codigo]

La buixaruala floreix dende marzo dica chunio, seguntes l'altitut, y los lulos enveran ta la fin d'o verano u ta d'agüerro.

Extensión plena de buixaruala

Habitat[editar | modificar o codigo]

L'Habitat d'a buixaruala abraca buena parte d'Europa, Asia y America d'o Norte. En a peninsula Iberica, s'esparde sobre tot per lo centro y la metat oriental, dende los Pirineus y lo Sarrallón Cantabrico dica lo Sarrallón Penibetico.

Ocupa a ormino las clapas de carrascars, caixicars, y pinars, preferindo las costeras petrosas y las collatas humedencas d'os monts.

Historia[editar | modificar o codigo]

La buixaruala se documentó per primer vegata a The Physicians of Myddfai, obra galesa sobre hierbas d'o sieglo XIII. Tamién fue descrita per Clusius en 1601 y recomendata ta uso medecinal, sobre tot per Gehard, en 1763. Fició la suya aparición en o London Pharmacopoeia en 1788.

Usos[editar | modificar o codigo]

Marco Polo escribió que, en o sieglo XIII, los chinos lo emplegaban como diuretico t'os rinyons y los problemas urinarios. Los amerindios tamién en feban uso ta ixos problemas pero ta tratar bellas malautias venerias, los calculos urinarios, la cistitis y la uretritis, y la obesidat. Los colonos americanos la emplegoron igualment contra la nefritis. Hue encara se fa servir a cualques países, como Polonia.

Las suyas fuellas s'utilizan en a industria d'o tabaco. Bellas etnias amerindias la incorporaban a las hierbas ta fumar.

Los suyos lulos pueden emplegar-sen ta fer confitura.

Farmacopea[editar | modificar o codigo]

L'arbutina y la metilarbutina son d'ordinario eliminatas per lo rinyón mientres que son trasformatas en hidroquinona, que exerce una acción sedant y antipiretico. La buixaruala ye conoixita dende abe tiempo per lo suyo efecto diuretico y antiseptico natural d'as vías urinarias en o causo de cistitis, enuresi y incontinencia.

Referencias[editar | modificar o codigo]