Bristón

De Biquipedia
Ir ta: navego, busca
Bristón
Bristol
Localidat y condato d'Anglaterra
A seu de Bristón, d'estilo normando, romanico y gotico
A seu de Bristón, d'estilo normando, romanico y gotico.
Estato
 • Rechión
 • Condato
Flag of England.svg Anglaterra
Surueste d'Anglaterra‎
Briston
Superficie 110,00 km²
Población
 • Total
 • Densidat

416.400 hab. (2007)
3.785,47 hab/km²
Altaria 11 m.
Codigo postal BS 0117
Ríos Avon y Severn
Situación de Briston en Anglaterra
www.Bristol.gov.uk

Bristón[1] (Bristol /ˈbrɪstəl/ en anglés y oficialment) ye una ciudat portuaria d'Anglaterra, capital d'a rechión d'o Surueste d'Anglaterra‎ y d'o condato de Bristón. Dende a suya creyación, a ciudat ye intimament unita a lo suyo puerto, a razón por a qual esdevenió historicamet a segunda ciudat d'o reino d'Anglaterra por a suya población (encara que en os anyos 1780 la superoron Liverpool, Manchester y Birmingham).

A suya población ye de 416.400 habitants (estimación de 2007) en una superficie de 110,00 km², con una densidat de población de 3.785,47 hab/km².

Cheografía[editar | editar código]

Bristón ye situato a canto d'o río Avon, d'o estuario d'o río Severn (o estuario d'o Severn) y d'o canal de Briston, que ye parte d'a mar Celta y de l'Ocián Atlantico. A suya altaria ye d'11 metros sobre o ran d'a mar.

Etimolochía[editar | editar código]

En anglés antigo, a ciudat se clamaba Brycgstow, ye decir, a ciudat d'o puent.

Historia[editar | editar código]

Dimpués d'a conquiesta normanda d'Anglaterra en 1066, en Bristón se construyó uno d'os más importants castiellos construitos por o nuevo rei, Guillén O Conqueridor, ta controlar o país, en a desembocadura d'o río Avon. A o canto d'o suyo puerto, creixió a ciudat, que dende o sieglo XII estió una pieza important en o comercio maritimo d'o reino con Irlanda en trescruzando a mar d'Irlanda. En 1247 se construyó un nuevo puent y la ciudat encara creixió más a escape, dica esdevenir en o sieglo XIV a tercera ciudat d'Anglaterra, dezaga de Londres y York. Sindembargo, a ciudat perdió muitos d'os suyos habitants en a epidemia de peste negra en 1348-1349. En a Edat Meya yera famosa por a suya industria textil, con os clamatos en aragonés panyos de Bristón.[1]

En 1542, a ciudat de Bristón plegó a la categoría de ciudat, y l'antiga abadía de Sant Agostín, adedicata a Sant Agostín d'Hipona, esdevenió a seu de Bristón. D'antis más, en 1497, de Bristón heba partito ta lo suyo viache a America John Cabot. Dende o sieglo XVI, a burguesía d'a ciudat teneba muitos beneficios economicos d'a suya financiación d'os piratas angleses que atacaban o trafico mercantil espanyol con as suyas colonias americanas. Dimpués, Bristón esdevenió, con Liverpool, uno d'os prencipals centros d'o comercio anglés d'esclavos subsahararians destinatos a las plantacions d'as colonias anglesas d'America (actualment, os Estatos Unitos). Asinas, dende 1700 dica 1807, más de 2.000 barcos negreros partioron dende Bristón ta carregar esclavos en Africa, portando más de 500.000 esclavos dica America, en un trafico mercantil triangular: portaban produitos manufacturatos, incluindo a producción textil de Bristón, dende o puerto de Briston dica Africa, y pagaban con istos produitos os esclavos que hi compraban, ta luego portar-los y vender-los en America a los propietarios d'as plantacions de zucre a cambio d'iste zaguer producto, que portaban a Bristón ta la suya venda en Anglaterra.

Molimentos[editar | editar código]

Nau principal d'a Seu de Bristón

Localidatz achirmanatas[editar | editar código]

Vinclos externos[editar | editar código]

Referencias[editar | editar código]

  1. 1,0 1,1 (an) Toponimo antigo en aragonés recollito o 5 de chinero de 1394 en Zaragoza.


Condatos d'Anglaterra Bandera d'Anglaterra
Bedfordshire | Berkshire | Bristón | Buckinghamshire | Cambridgeshire | Cheshire | Ciudat de Londres | Cornualla | Cumbria | Derbyshire | Devon | Dorset | Durham | Essex | Gloucestershire | Gran Londres | Gran Manchester | Hampshire | Herefordshire | Hertfordshire | Isla de Wight | Kent | Lancashire | Leicestershire | Lincolnshire | Merseyside | Midlands de l'Ueste | Norfolk | Northamptonshire | Northumberland | Nottinghamshire | Oxfordshire | Rutland | Staffordshire | Shropshire | Somerset | Suffolk | Surrey | Sussex de l'Este | Sussex de l'Ueste | Tyne y Wear | Warwickshire | Wiltshire | Worcestershire | Yorkshire d'o Norte | Yorkshire de l'Este | Yorkshire d'o Sud | Yorkshire de l'Ueste