Revolución industrial

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Una Maquina de vapor.

A Revolución Industrial ye un conchunto de cambeos economicos (capitalismo), socials (orden burguesa) y tecnolochicos que prencipioron a producir-sen en Gran Bretanya en a segunda metat d'o sieglo XVIII y dimpués s'estendilloron por a resta de países d'Europa, Estaus Unius y Chapón. Os abances tecnicos -mas que mas a maquina de vapor-, o gran creiximiento demografico que s'encetó en l'anyo 1750, y os cambeos que se producioron en l'agricultura escomenzoron a una revolución en l'ambito d'a industria, encapezata por o textil, o carbón y o fierro.

Ista revolución reendrezó lo curso d'a historia transformando os sers humans agricultors y ganaders en manipuladors de maquinas accionatas por enerchía. Allora, la Revolución Industrial transformó a base economica d'a sociedat que dende agora ye a producción industrial; as ciudaz se convertioron en centros superpoblatos y puestos de treballo y vivienda d'a nueva clase social surtita: la clase obrera. A existencia d'ista nueva clase, formata orichinalment por labradors que heban plegato dende o campo, empenta l'aparición de nuevas ideyolochías liberals y socialistas que configurarán o mundo contemporanio.

Se veiga tamién

• Industria.

Vinclos externos

• Se veigan as imáchens de Commons sobre a Revolución industrial.

• Datos: Q2269
• Multimedia: Industrial revolution / Q2269