Cornualla

De Biquipedia
Ir ta: navego, busca
Iste articlo ye sobre Cornualla en Gran Bretanya. Ta atros usos se veiga Cornualla (desambigación)
Cornualla
Kernow
Condatos d'Anglaterra
Flag of Cornwall.svg
Bandera
EnglandCornwall.svg
O condato de Cornualla en Anglaterra
Capital Truru
Entidat
 • Estato
 • País constituyent
 • Rechión
Condatos
Flag of the United Kingdom.svg Reino Unito
Flag of England.svg Anglaterra
Sudeste d'Anglaterra
Superficie
 • Total

3.563 km²
Población
 • Total

513.527 hab. (2003)

Cornualla (en cornuallés: Kernow, en anglés: Cornwall) ye un país celta situato a o sudueste de Gran Bretanya, en a peninsula d'o mesmo nombre (no s'ha de confundir con a Cornualla de Bretanya). Conta con bells 513 527 habitants. A capital ye Truru, pero d'antis mas yera Bosvenegh. Actualment ye integrato en a rechión d'o sudueste d'Anglaterra. D'antis mas se dividiba en 12 boroughs, 8 districtos urbans y 10 districtos rurals. Dende a nueva división territorial en Gran Bretanya en 1975, se divide en siet districtos.

As prencipals ciudatz son os centros de Sen Ostell Fowydh y Kammbronn-Rysrudh, pero as villas tradicionals son: Pennsans, Hellys, Lannstefan, Aberfal, Lyskerrys, Newquay, Pennrynn, Porthia, Fowydh, Saltash y Lostwydhyel.

Toponimia[editar | editar código]

O toponimo Cornwall provién d'a radiz chermanica walha, que ye como os saxons y atros pueblos chermanicos denominaban a los celtas, a os romans y a los pueblos latins, d'astí atros etnonimos como valons, galeses y vlacos. Corn puet referir-se a lo pueblo britán d'os cornovi d'o centro d'a isla de Bretanya. D'estar cierta esta hipotesi os cornovi s'habrían refuchiato en esta peninsula d'o surueste.

En fuents navarras y aragonesas o exotoponimo ye Cornualla y variants pareixitas, que podemos veyer en o "Libro de las Cheneracions" (libro relacionato con o "Liber Regum" y escrito en romanz navarro) y en a "Cronica de los Conquiridors" (compilación historica de Chuan Ferrández d'Heredia escrita en un luengache basato en l'aragonés d'as comunidatz aragonesas).

Et casó la filla mayor con el duc de Cornualla; et casó la otra filla con el rey de Escoçia; et pensó no de la menor
Estonz fo Estant rey de Escoçia, primero fo rey de Londres; Rudorfo rey de Galias; et Liontech fo rey en Cornualla.[1]
Et a Corineu fue dada cierta part dela tierra. La qual clamo por su nombre Cornuallia o Corinea alsu pueblo clamo corineses et como Corineu sobre todos quantos eran uenidos aqui pudies auer la election delas prouincias mas amo aquella region que yes dicha Cornuallia / o / Cornubia por tal que yes en el cuerno de Bretanya o por corrupcion del sobre dicho nombre corineu qual trobaua grant plazer de combaterse con los gigantes.[2]

Referencias[editar | editar código]


Condatos d'Anglaterra Bandera d'Anglaterra
Bedfordshire | Berkshire | Bristón | Buckinghamshire | Cambridgeshire | Cheshire | Ciudat de Londres | Cornualla | Cumbria | Derbyshire | Devon | Dorset | Durham | Essex | Gloucestershire | Gran Londres | Gran Manchester | Hampshire | Herefordshire | Hertfordshire | Isla de Wight | Kent | Lancashire | Leicestershire | Lincolnshire | Merseyside | Midlands de l'Ueste | Norfolk | Northamptonshire | Northumberland | Nottinghamshire | Oxfordshire | Rutland | Staffordshire | Shropshire | Somerset | Suffolk | Surrey | Sussex de l'Este | Sussex de l'Ueste | Tyne y Wear | Warwickshire | Wiltshire | Worcestershire | Yorkshire d'o Norte | Yorkshire de l'Este | Yorkshire d'o Sud | Yorkshire de l'Ueste