Bosanska Krajina

De Biquipedia
Ir ta: navego, busca
Bosanska Krajina.

Bosanska Krajina u, literalment, Muga Bosniana (en serbio, bosniaco y crovate Bosanska Krajina u Босанска Крајина, en turco Bosna sınır boyu) ye una rechión cheografica situada en a parti occidental de Bosnia y Herzegovina enclavada entre tres ríos: Sava, Glina, Vrbas y Vrbanja. Amás, ye una entidat historica de Bosnia y Herzegovina dende o punto d'anvista economico y cultural.

A suya ciudat prencipal y centro historico ye Banja Luka. Atras localidatz importants son Laktaši, Čelinac, Skender Vakuf, Kotor Varoš, Bosanska Gradiška, Bosanska Dubica, Bosanski Novi, Prijedor, Sanski Most, Bosanski Petrovac, Ključ, Šipovo, Mrkonjić Grad, Drvar, Glamoč, Bosansko Grahovo, Jajce, Bihać, Bosanska Krupa, Cazin, Bužim, y Velika Kladuša.

Bosanska Krajina, como tal, no poseye mugas propias ni representación politica en a estructura actual de Bosnia y Herzegovina, encara que cuenta con una identidat cultural y historica cerenya formada a o largo d'o tiempo. O territorio de Bosanska Krajina se troba dividiu entre as dos entidatz constituyents d'o país: a Republica Serbisca y a Federación de Bosnia-Herzegovina, correspondiendo-se alto u baixo con o cantón bosniaco de Una-Sana y a rechión serbo-bosniana de Banja Luka.

O estremo noroccidental de Bosanska Krajina tamién ye conoixiu como Cazinska Krajina, nombre derivau d'a localidat de Cazin.

Nombre[editar | editar código]

Entre os sieglos XVI y XIX o territorio situau entre os ríos Una y Vrbas yera dito Croacia turca.[1][2][3] Iste nombre fue emplegau por topografos melitars austriacos que treballoron en a comisión de mugas austro-otomana como conseqüencia d'o Tractau de Karlowitz de 1699.[1] A mitat d'o sieglo XIX o nombre Croacia turca fue reemplazau por os cartografos por o de Bosanska Krajina.[1]

Demografía[editar | editar código]

A población d'a rechión yera d'alto u baixo un millón d'habitants en o periodo previo a la Guerra de Bosnia.

A composición etnica de Bosanska Krajina, seguntes datos d'o censo de 1991, yera de:

Historia[editar | editar código]

As guerras relacionadas con a expansión d'o Imperio Otomán y o suyo retacule posterior despobloron esta rechión de población orichinariament crovate. As mugas entre o Imperio Otomán y Austria se facioron dependendo d'as fortalezas que controlaba cada estau y d'o territorio que podeba estar bombardeyau dende ixas fortalezas, d'astí que a muga prenese un trazau sinuoso con succesivos cerclos d'alcance arredol d'ixas fortalezas.

Os otomans establioron en Bosanska Krajina aliaus cristians ortodoxos (conoixius como vlacos pero en gran mesura serbios). En Bihać manimenos, (que esdevinió o cabo occidental d'a Bosnia Otomana), i establioron eslavos islamizaus que dimpués serían bosniacos.

A composición d'a población actual de Bosanska Krajina, mas que mas en a ciudat de Banja Luka, se vió muit modificada debiu a la limpieza etnica y atros crimens de guerra mientres a Guerra de Bosnia, entre 1992 y 1995.

En o encomienzo d'a guerra buena part d'a rechión cayó en mans d'a mayoría serbia, de fueras d'a bolsa de Bihać, d'esclafant mayoría bosniaca. De fueras d'a persecución d'os bosniacos y crovates, a rechión se veyeba poco afectada por a guerra porque os combates se produciban en as marguins con atras rechions y os no serbios retaculaban de contino.

Manimenos, a la fin d'a guerra se producioron unas espectaculars ofensivas crovates dende Herzegovina occidental y dende a mesma Croacia, que chunto con as ofensivas bosniacas facioron pinza y facioron retacular a los serbios dica fer periglar as suyas posicions en a mesma Banja Luka. A Paz de Dayton de 1995 ratificó o ixamplamiento d'a zona baixo control bosniaco a l'este d'a bolsa de Bihać y a ocupación por part d'os crovates d'una zona de mayoría serbia pero poco poblada chunto a Herzegovina occidental y Croacia. Estos territorios quedoron en a Federacija constuindo un corredor que li daba mes viabilidat y que permitiba una millor defensa d'as posicions crovates de Dalmacia.

Referencias[editar | editar código]

  1. 1,0 1,1 1,2 (en) (2001) The War in Croatia and Bosnia-Herzegovina 1991-1995. Taylor & Francis.
  2. (en) "Bosnia and Herzegovina". 1911 Encyclopædia Britannica. LoveToKnow. http://www.1911encyclopedia.org/Bosnia_and_Herzegovina. Retrieved 2010-06-18. "Donji Kraj, the later Krajina, Kraina or Turkish Croatia, in the north-west" 
  3. (en) Borna Fuerst-Bjeliš, Ivan Zupanc (2007). "Images of the Croatian Borderlands: Selected Examples of Early Modern Cartography". Hrvatski geografski glasnik (69/1). Consultato lo 2010-06-25.

Vinclos externos[editar | editar código]