Banja Luka

Banja Luka Бања Лука
Localidat de Bosnia y Herzegovina
Imachens de Banja Luka
Estau  • Entidat  • Rechión	Bosnia y Herzegovina Republica Serbisca Banja Luka
Superficie	96.2 km²
Población  • Total	199191 hab. (2013)
Altaria  • Meyana	500 m.
Alcalde	Drasko Stanivukovic
Codigo postal	78000
Ríos	Río Vrbas
Coordenadas	44°46’ 0’’N17° 10’59’’E
Banja Luka Banja Luka en Bosnia y Herzegovina
Web oficial

Banja Luka (en serbio Бања Лука) ye a capital politica y administrativa (de facto) d'a entidat autonoma d'a Republica Serbisca, y a segunda mayor ciudat de Bosnia y Herzegovina dimpués d'a capital Sarajevo. A tamas de que en l'articlo 9 d'a Constitución d'a Republica Serbisca s'estableixe que a capital de iure d'a entidat ye Sarajevo, administrativament nomás una chicota parti d'a ciudat s'integra en o territorio d'a Republica Serbisca. A seu d'o Gubierno y de l'Asambleya Nacional d'a Republica Serbisca se troban en Banja Luka, asinas como a mayor parti d'as institucions d'autogubierno. Tamién ye a seu de bels organismos estatals como a Dirección d'Impuestos Indreitos (VAT Authority) u o Fundo de Garantía de Depositos, y cuenta con oficinas y sucursals d'o resto d'as achencias y institucions estatales, incluyendo-ie una seu d'o Banco Central de Bosnia y Herzegovina.

Banja Luka se troba a o norueste d'o país, a cantos d'o río Vrbas, y tradicionalment se la considera a capital d'a rechión historica de Bosanska Krajina. A ciudad fue parcialment estricallada por un tierratremo en 1969, por o que a suya fisonomía ye prou recient, y se caracteriza por as suyas numerosas zonas achardinadas y amplas avenidas arboladas.