La Madalena (Zaragoza)

De Biquipedia
(Reendrezato dende Bico d'a Madalena)
Ir a la navegación Ir a la búsqueda
La Madalena
Barrio de Zaragoza
Zaragoza, Iglesia La Magdalena-PM 52802.jpg
Ilesia de La Madalena
Entidat
 • País
 • Ciudat
 • Districto
Barrio
Flag of Aragon.svg Aragón
Bandera de Zaragoza.svg Zaragoza
Casco historico
Codigo postal 50.001
Carreras prencipals Sant Vicent de Paúl, Carrera Mayor
La Madalena (Zaragoza).png
Situación de lo barrio en lo Casco Antigo

La Madalena ye un barrio de lo Casco Antigo de Zaragoza situato arredol de la plaza que tien lo mesmo nombre. En dita plaza se troba la ilesia de Santa María Madalena, una de las más importants de lo mudéchar zaragozano. Lo barrio s'estendilla entre lo Coso Baixo y la carrera de Sant Vicent de Paúl.

Torre de La Madalena

Toponimia[editar | editar código]

Ya hi ha referencias a lo Barrio de la Madalena en textos de lo sieglo XII de los "Documentos de lo Pilar"[1], escritos en latín medieval con elementos en aragonés:

Martin Moniz de barrio Sancti Egidii. Petro Sanz negro, Julian neto de Abinssacrial, Millan Garcez, Johannes Pectauin, Michael Petrez de barrio Sancte Marie Magdalene, Gilli (1144)
illas meas casas, quas habeo in Cesaraugusta in barrio Sancte Marie Magdalene(1175)

En la Edat Meya cristiana lo Barrio de La Madalena esdevinió una parroquia a l'egual que totz los primers barrios de la ciudat de Zaragoza adintro de las murallas y se nombra como Parroquia de Sancta Maria Magdalena u Parroquia de Santa María Madalena.

A fins de lo sieglo XIV y principios de lo sieglo XV ya bi ha referencias a este barrio como La Madalena, en relación a la "Parroquia de Santa María Madalena":

Primerament eslio mi sepultura / en el fosar de la Madalena / do sera bien visto al uicario · pora la qual sepultura etc...[2]

En lo fogache de 1495 lo nombran simplament como La Madalena.[3]

Historia[editar | editar código]

Lo barrio naixe adintro de la muralla romana a la dentrata por a Puerta de Valencia u de l'Alquibla. En l'actual Plaza de La Madalena se troba lo prencipio por l'este de lo decumano de la ciudat. Dimpués iste barrio ferá parte de la medina y acullirá la chudería en la suya zona más amanata a l'actual Plaza de Sant Miguel.

Interculturalidat y asociacionismo[editar | editar código]

Tabiernas d'ambient aragonesoparlant en La Madalena

Iste barrio dito popularment con lo suyo nombre aragonés "La Madalena" ye hue en día la zona más alternativa y intercultural de la ciudat. Entre la suya población destaca la musulmana, la chitana u l'africana. Se i puede trobar teterías arabes, tabiernas con musica reggae u centros socials con una ampla programación cultural y musical. Bi ha locals y bars d'ambient aragonesista, comunista, anarquista y dica abertzale. Entre las numerosas asociacions que tienen la suya seu en iste barrio se puede trobar AVV Arrebato, Towanda, MOC, Os diaples d'a Uerba, Diagonal-Aragón, Nogará, A Enrestida, Liberacion, Casa de las Culturas, Casa de la Mujer, Calle y Libertad, Rasmia, CSA La Revuelta, Biblioteca Frida Kahlo, Barrio Verde, Coordinadora Antifascista, CSA 451, Sargantana, ecetra.

Bi ha tamién tabiernas d'ambient aragonesoparlant a on ye present la luenga aragonesa, como por eixemplo L'Entalto, A Flama u lo Dispierta Fierro.

Actividatz[editar | editar código]

L'actividat cultural desarrollata en lo barrio ha feito que se celebren eventos como la Semana Cultural que en lo mes de chunio, diferents festivals u la pasarela de moda de Modalena que agora ya se fan en atros espacios difuera de lo barrio a causa de lo suyo exito en anteriors edicions.

Referencias[editar | editar código]

Vinclos externos[editar | editar código]


Barrios d'o districto Casco historico de Zaragoza
La Madalena | Sant Agostín | Sant Miguel | Sant Pavlo | Tenerías | Tubo