Bayoarios
| Bayoarios (†) Bajuwaren | |||||||||
|---|---|---|---|---|---|---|---|---|---|
_-_figure_at_the_hemicycle_of_the_Neue_Burg,_Vienna.jpg) | |||||||||
|
| |||||||||
| |||||||||
| Bávaro | |||||||||
| Baverans, austriacos y tiroleses | |||||||||
 Os bayoarios enta l'anyo 788 | |||||||||
.svg){kind=small}
Os bayoarios estioron un pueblo chermanico altomedieval d'Europa Central responsables d'a chermanización de l'aria nororiental, a on viven os actuals baverans, austriacos y tiroleses, que en part son os suyos descendients.
Etnonimo[editar | modificar o codigo]
O etnonimo d'este pueblo chermanico puet remontar-se a l'orichen cheografico en tierras d'os boyos celticos, en l'actual Bohemia.
Son mencionatos en a traducción herediana de "Historia Langobardorum" de Pavlo Diacono:
Tamién figuran en a "Cronica de los Conquiridors" de Chuan Ferrández d'Heredia, o capítol CXC se titula Como Karles Martel guerreo los Baioarios et los Huncnos et subiugo los Francos y o capítol CXCV Como Karles subiugo a los Longobardos, los Saxones, los Bretones, los Bajoarios et otras muchas nationes.
Historia[editar | modificar o codigo]
Son conoixitos dende l'anyo 551. D'orichens poco claros, yera l'agrupación d'unas quantas tribus que travesoron o limes danubián y s'establioron en l'actual Bavera, dende a on s'estendilloron enta o sud a traviés d'os Alpes. Se beneficioron d'un vueito de población y poder román producto d'as invasions d'atros pueblos.[1] En tot o sieglo VI permaneixioron baixo protectorau merovinchio.
Os bayoarios convirioron restos d'a población romana. En Bavera y l'Alta Austria os documentos carolinchios parlan d'os romani, y a toponimia confirma a existencia d'islotz de población romana (que os chermans denominaban walchen), yeran poblacion rurals ixemenatas por a meseta, sobretot en a val d'o Inn y a lo norte y ueste de Salzburgo. Estos enclaus de población romana heban perdito tota coderencia y os romans heban perdito tota a eminencia social, de fueras d'o enclau d'Ausburgo, on bi heba un bispato, y de dos refuchios en os Alpes, o Walchengau de l'alto Isar y o Vintschgau de l'alto Adichio. Dica o sieglo IX en Bavera se charró o romanz autoctono, talment d'a branca reto-romanica.
Os bayoarios contribuyoron a la colonización chermanica enta o sureste p'aturar os pueblos invasors d'as estepas que periodicament s'establiban en Panonia. Se creyó una marca oriental que esdevinió Austria. A colonización bayoaria contribuyó a crebar a continuidat territorial d'os eslavos.
Referencias[editar | modificar o codigo]
- ↑ Lucien Musset Las invasiones: las oleadas germánicas, Volumen 20. Editorial Labor, 1967 [1]
