Sant Pavlo (Zaragoza)

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Sant Pavlo San Pablo
Barrio de Zaragoza
Ilesia de Sant Pavlo
Entidat  • País  • Ciudat  • Districto	Barrio Aragón Zaragoza Casco historico
Codigo postal	50.003
Carreras prencipals	Sant Pavlo, Predicadors, Casta Álvarez, Sant Blas
Situación d'o barrio en o Casco Antigo

Sant Pavlo (en castellano San Pablo), u mas conoixito popularment como o Gancho (en castellano El Gancho), ye un barrio d'a ciudat de Zaragoza. Administrativament fa parti d'o districto d'o Casco Antigo, estió un d'os primers desanches medievals d'a ciudat, trobando-se as radices d'ista parroquia arredol de l'anyo 1118.

Destaca a ilesia de Sant Pavlo que le da nombre, construyita en 1259, d'estilo mudéchar y conoixita popularment como a tercera seu de Zaragoza ya que ista parroquia teneba bels d'os privilechios d'as seus. A parroquia de Sant Pavlo enantes de dicir-se asinas se deciba parroquia de Sant Blas. Por un tiempo se deciba parroquia de Sant Blas u parroquia de Sant Pavlo indistintament, pero dende 1270 a unica denominación yera de Sant Pavlo.

O simbolo d'o barrio que tamién le da o suyo nombre popular ye un tocho con un gancho en a suya punta. Iste simbolo tien o suyo orichen en os primers anyos d'a parroquia, entre 1118 y 1119, cuan no yera que una ermita situata extramuros, ye dicir difuera d'a muralla d'a ciudat. A romeria que se feba se trobaba en o camín a dificultat d'abanzar entre os árbols y a vechetación, por lo que tenioron a ideya de meter una falz en a punta d'un tocho ta ir tallando as brancas d'os árbols, y d'ista traza apareixió lo que dimpués sería simbolo d'o barrio.

A cofadría d'o silencio incluye en o suyo escudo o gancho, simbolo d'o barrio

Dimpués en o sieglo XIV o rei Chuan I dió privilechio a la parroquia ta que o gancho ubrise totas as procesions d'a ciudat de Zaragoza. Hue encara encabeza a manifestación d'o Corpus Christi y aquellas que salen dende ista parroquia. En o suyo Romance a la procesión del Corpus de l'anyo 1679, escribe Ana Abarca de Bolea:

Iba lo gancho primero
con muy grande ligereza
cortando todos los ramos
que han posato en las tabernas

O escudo actual d'a parroquia incluye o gancho cruzato con a espata de Sant Pavlo, dencima d'un libro a on que se puet leyer EPISTOLAE SANCTI PAULI, por as epistolas que escribió dito santo.

Se veiga tamién

• Barrios de Zaragoza.

Vinclos externos

• (es) Pachina d'a parroquia de Sant Pavlo

• Datos: Q13050417