Asociación Lliga Ribagorzana
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
L'Asociación Lliga Ribagorzana (oficialment en el rechistro d'asociacions, Asociación Liga Ribagorzana, en castellano) é una asociación cultural aragonesa con seu en Graus (Ribagorza), fundada en 1994[1] po'l doctor Francisco Salamero Reymundo, con l'obchectivo de promover la cultura y la cohesión territorial de la suya comarca.
Entre las suyas actuacions, ha destacau l'activismo contra el recreiximiento de la presa de Santa Llestra y la construcción de nuevas obras hidroelectricas en Ribagorza, la oposición a'l trazau de la Linia d'Alta Tensión sobre la Sierra de la Carrodilla, las obras de la nueva carretera po l'Isabana y la divulgación de la historia, cultura y llingüistica comarcal ribagorzanas[1], feita a través de la suya publicación trimestral El Ribagorzano, que conta con suscriptors en diversos llugars de Ribagorza y el vecino Sobrarbe.
El suyo nome s'inspira en la Liga de Contribuyentes de Ribagorza, fundada por Joaquín Costa y su tío l'eclesiastico José Salamero y Martínez en 1891. El suyo periodico, organo d'expresión, prene el nombre d'el que tamén se va vincular con Joaquín Costa, y é la parte mes vistable de l'asociación.
Controversia con las Administracions
[editar | modificar o codigo]La Lliga ha protagonizau bels enfrentamientos con bels unos d'els achuntamientos d'el suyo ámbito d'actuación (la Ribagorza) y tamén con la Diputación Cheneral d'Aragón. Las razons han estau, fundamentalment, por discrepancias con las actuacions d'éstas en materia de Patrimonio historico y ordenación urbana, y en els zagueros ans, tamén por l'adopción de posturas en politica llingüistica cara a los parlars ribagorzanos que l'asociación no comparte.
En l'anyo 2001, se va presentar desde l'asociación un recurso contra el Departamento de Cultura d'el Gubierno d'Aragón, que pretendeba la declaración de Bien d'Intrés Cultural d'el conchunto urbano de la Villa de Graus y d'el Santuario de Sta. María de la Penya de la capital ribagorzana[2], porque entendeban que no s'anaba a fer con las garantías suficients. Tamén van presentar, a'l mesmo anyo, un atro recurso contra l'Achuntamiento de Graus po'l Plan Cheneral d'Ordenación Urbana (PChOU) d'el municipio.[2] Els recursos van estar desestimaus en 2006 y 2005 respectivament, po'l Tribunal Superior de Chusticia d'Aragón.[2]
A l'anyada sigüent (2002), tamén se va presentar un recurso contra el PChOU d'ixe an de l'Achuntamiento grausino, y va estar desestimau una altra vegada po'l TSChA.[2]
Seguntes que va dir l'Alcalde, el problema d'els dos PChOU yera que contradiban los intreses particulars de Salamero, pus le impediban devantar una altura mes en la suya casa[2] de Torres (que é pedanía d'el municipio). Seguntes las declaracions que l'Alcalde de Graus va fer a'l Diario del Alto Aragón en 2007, consideraba que la radiz d'el problema yeba que no s'heba parau cuenta d'el recurso que l'interesau heba planteyau en la Casa de la Villa en 2001.[2]
Mentres tot este proceso, y sempre seguntes el que dimpués va dir l'alavez alcalde Ramón Miranda, a El Diario del Alto Aragón, la Lliga heba empllegau la suya publlicación (El Ribagorzano) come documento de propaganda pa la causa suya, y heban dedicau «amplos dossiers pa sembrar dubdas sobre la legalidat d'els procedimientos de l'Achuntamiento y tirar acusacions contra edils y tecnicos».[2]
Posicionamiento llingüistico
[editar | modificar o codigo]La Lliga Ribagorzana s'oposa a la denominación de «catalán ribagorzano» ta los parlars mes orientals de la suya comarca, y d'«aragonés ribagorzano» ta los occidentals, y considera que totas las variants que se puede trobar en Ribagorza son una mesma llengua, a la que diu «llengua ribagorzana» u «ribagorzano», que anque i haiga diferencias menors entre uns llugars y altros forman una mesma entidat llingüistica, propia y exclusiva de la comarca, y ye de'l tot diferenciada tanto d'el catalán come de l'aragonés. Bona parte d'els articlos que El Ribagorzano ha dedicau a la cuestión llingüistica ribagorzana s'han mostrau en esta llinia.
L'asociación é miembro de la Federación de Asociaciones Culturales del Aragón Oriental (FACAO), conoixida por a suya oposición encarnada a las succesivas Lleis de Llenguas d'Aragón y por la usurpación d'el termín «aragonés» y «llengua aragonesa» ta designar los parlars de la Francha d'Aragón en els suyos comunicaus.
Premios y reconoiximientos
[editar | modificar o codigo]- 2000 - Premio Calibo de Ribagorza (Achuntamiento de Graus) a la millor actuación socio-cultural.[3]
Referencias
[editar | modificar o codigo]- ↑ 1,0 1,1 (es) Articlo sobre o diario El Ribagorzano en o Diario del Alto Aragón de 02/01/2005, consultau el 24 de septiembre de 2015.
- ↑ 2,0 2,1 2,2 2,3 2,4 2,5 2,6 (es) Desestimado el recurso de la Liga Ribagorzana contra la aprobación del PGOU, consultau el 24 de septiembre de 2015
- ↑ (es) Llista d'els premiaus con el Premio Calibo de Ribagorza por anyo. Consultada el 24 de septiembre de 2015.
Se veiga tamén
[editar | modificar o codigo]| Control d'autoridaz |
|
|---|
Datos: Q25619866