Arroba
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
- Iste articlo ye sobre a unidat de masa. ta atros usos se veiga arroba (desambigación)
L' arroba (de l'arabe rub)[1] u roba[2][3] ye una unidat aragonesa de mesura de masa. A suya equivalencia en o sistema metrico decimal d'o Sistema Internacional d'Unidaz ye de 12,6 kg (12,5 kg seguntes bellas fuents), y equivale tamién a 36 libras.[4]
L'arroba s'emplegaba tamién en atros reinos ibericos y suyas posesions, pero yeran muit diferents. En Castiella equivaleba a 25 libras (11,502 kg), en Catalunya a 26 libras (10,4 kg) y en Portugal a 32 libras (14,688 kg).
En a Peninsula Iberica y en bels países de Latinamerica encara s'emplega l'arroba en bellas actividaz rurals, con diferents equivalencias. En o País Valenciano equivale a bels 13 kg. En Perú, Bolivia y en belatros países equivale a 11,5 kg. En Portugal y Brasil l'arroba metrica emplegata hue equivale a 15,0 kg.
Referencias[editar | modificar o codigo]
- ↑ (es) José María Enguita Utrilla:Un vocabulario agrícola turiasonense de 1382, Turiaso n°8, 1989, ISSN 0211-7207, p.139-178
- ↑ (es) Rafael Barceló Caballud Vocabulario caspolino, Institución Fernando el Católico, 2011, ISSN 0590-1626, p.245
- ↑ (an)/(es) Juan Moneva y Puyol: Vocabulario de Aragón. Edición y estudio de José Luis Aliaga, Xordica Editorial, ISBN 978-84-88920-97-3, 2004, p.396
- ↑ (es) Fernando Romanos Hernando Dizionario aragonés de las comarcas de la Alta Zaragoza, p.13
| |
| Longaria: Legua - Vara - Codo - Piet - Palmo - Fulco Masa: Carga - Quintal - Arroba - Cuarterón - Almut - Libra - Onza - Arienzo Cabida (liquidos): Arrobeta - Nietro - Cantaro - Charro Cabida (aridos) y superficie: Cafiz - Fanega - Quartal - Almut | |