Cruzadas

De Biquipedia
(Reendrezau dende Cruzada)
Ir a la navegación Ir a la búsqueda
Articlo d'os 1000
Caballers cruzaus.

As cruzadas estioron una serie de campanyas melitars a sobén feitas a requesta d'o Papato, y que escayeixioron entre os sieglos XI y XIII, contra os musulmans ta a conquista de Tierra Santa.

En primeras fuoron motivatas por os intreses expansionistas d'a nobleza feudal, o control d'o comercio con Asia y l'afán hechemonico d'o Papato sobre as monarquías y as Ilesias d'Orient.

Primera cruzada[editar | modificar o codigo]

Ta más detalles, veyer l'articlo Primera cruzadaveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

En a primera cruzada, en 1096, os cruzaus consiguen vencer a os turcos, trescruzar Anatolia y plegar dica Siria, os bizantins ocupan un tercio d'Anatolia.

A o Papa Gregorio VII se debe a idea de que os paises cristians se unisen ta luitar contra o común enemigo relichioso que yera o Islam.

A predicación d'Urbán II prencipio una cruzada formada por multitut de chent humilde, endrezata por o predicador Pero o ermitán. Iste grupo formó a clamata cruzada d'os probes.

Dende Bizancio s'endrezoron enta Siria trescuzando o territorio selchucida, a on consiguioron una serie de sorprendents victorias. En Siria setioron Antioquía, que conqueriron tras siet meses de setio.

O 15 de chulio de 1099 fue presa Cherusalem dimpués d'un setio de cinco semanas. Os principes cruzaus se repartioron os territorios conquiestos y fundoron bells estatos feudals asignando feudos menors a los suyos vasallos.[1]

Segunda cruzada[editar | modificar o codigo]

Ta más detalles, veyer l'articlo Segunda cruzadaveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

A segunda cruzada (1147-1148) no podió venzer a resistencia turca en Anatolia y plegó dica Tierra Santa por mar.

La segunda cruzada estió una empresa melitar entre los anyos 1147 y 1149 dirichida por lo emperador Conrado III y por Loís VII de Francia baixo la influencia de Bernal de Claraval.

Tercera cruzada[editar | modificar o codigo]

Ta más detalles, veyer l'articlo Tercera cruzadaveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

En 1176 os bizantins, que yeran reconquerindo Anatolia topetan con a resistencia d'o soldanato turco de Konya (antiga Iconium).

A terzera cruzata s'esgalla en dos brancas, o emperador Frederico I Barbarroya pasa por o Imperio Bizantín, ye vencito por os turcos y muere afogato en 1190. Felipe Augusto y Ricardo Corazón de Lión prenen a vía maritima y conquieren Chipre en 1191-1192.

Quatrena cruzada[editar | modificar o codigo]

Ta más detalles, veyer l'articlo Quatrena cruzada veyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

A quatrena cruzada salió de Venecia por mar en 1202, pero s'esbarra. Con a escusa de restituir a un emperador bizantín destronato os cruzaus prenen Costantinnoble en chulio de 1203. Son forachitatos en motín y tornan a prener a ciudat o 13 d'abril de 1204. O Imperio Bizantín s'esminglanó. Os cruzaus creyan un Imperio Latín en a rechión d'os estreitos con Balduín de Flandres como emperador.

Cinquena cruzada[editar | modificar o codigo]

Ta más detalles, veyer l'articlo Cinquena cruzada veyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

O emperador Frederico II d'o Sacro Imperio Román-Chermanico organizó una expedición que arribó en Sant Chuan d'Acre. Fació un pacto con o soldán El Kamil obtenendo Cherusalem, Betlem y Nazareth.

Seisena cruzada[editar | modificar o codigo]

Ta más detalles, veyer l'articlo Seisena cruzada veyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

O rei Loís IX de Francia organizó una expedición contra o Echipto, y dimpués de prener Damiata en l'anyo 1249 fue esconfito en Mansura y feito preso. Habioron de pagar un alto rescate. Dimpués de fer fortificar Sant Chuan d'Acre o rei torna ta Francia en l'anyo 1254.

Setena cruzada[editar | modificar o codigo]

Ta más detalles, veyer l'articlo Setena cruzada veyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

En l'anyo 1270 bi ha una cruzada contra Túniz con a intención de recristianizar ixa tierra. Una epidemia fa morir a muitos cruzaus y a lo mesmo rei de Francia.

Zaguera presencia d'os cruzaus[editar | modificar o codigo]

Os mamelucos conquieren Sant Chuan d'Acre en l'anyo 1291 y os cristians han d'evaquar Tiro, Beirut y Sidón. Encara se mantendrá un estato cruzau en Chipre, que cayerá en mans d'a Republica de Venecia, y la presencia de los hespitalers en Rodas dica l'anyo 1523.

Conseqüencias linguisticas[editar | modificar o codigo]

Cambioron as denominacions de grupos relichiosos entenditos como etnoconfesionals.

Os musulmans diciban francos a los cruzaus, y talment con este mesmo sentito son mencionatos os cruzaus en a "Cronica de Morea":

Et los Grieguos, vidiendo que la grant guerra que los Francos les fazian & ellos non auian poder contra ellos, enuiaronm mesageros a lur senyor Quirandronico Paliologo, emperador de Contastinoble, que les enuiasse ayuda por defender su tierra

D'esta traza si os cristians yeran conoixitos como rumís, dimpués fuoron conoixitos como "francos" por l'orichen frequent francés d'os cruzaus.

O termin sarracín, que yera como os cristians deciban a los arabes pasó a servir pa designar a totz os musulmans.

Os caballers que participoron en as cruzadas conoixioron en part l'antroponimia arabe y una vegata tornatos a casa a beluns encara lis feba goyo y la transmitiban. D'esta traza en Navarra bi habió un noble que se deciba "Saladín". Tamién asinas se preba d'explicar o toponimo Tiebas en o municipio de Tiebas-Muru Artederreta.

Referencias[editar | modificar o codigo]

  1. Hermann Kinder, Werner Hilgermann, Manfred Hergt Atlas Histórico Mundial. De los orígenes a nuestros días Akal, 2007.

Bibliografía[editar | modificar o codigo]

Vinclos externos[editar | modificar o codigo]