Ardoné

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Ardoné
Lugar d'Aragón
Entidat  • País  • Provincia  • Comarca  • Municipio	Lugar  Aragón  Uesca Ribagorza Las Pauls
Partiu chudicial	Balbastro
Población  • Total	3 hab. (2010)
Altaria  • Meyana	1.360 m.
Codigo postal	22474
Parroquial  • Diocesi  • Arcipestrau	Balbastro-Monzón Sobrarbe-Ribagorza
Coordenadas	42°29’ 1’’N 0°37’41’’E
Ardoné Ardoné en Aragón

Ardoné (Ardanué en castellano) ye un lugar aragonés amán de Las Pauls y pertenexient a iste municipio d'a comarca de Ribagorza, en a provincia de Uesca.

A suya población ye de 3 habitants (2010).

Cheografía

Ye situato entre dos barrancos que desembocan en o río Baliera, por a marguin dreita, a 1.360 metros d'altaria sobre o ran d'a mar.

Historia

Pertenexió a Nerill dica mitat d'o sieglo XX.

Toponimia

Seguntes Rafael Bidaller Tricas ye Ardoné en a val de Castanesa y en a val de Barrabés. Seguntes Gerhard Rohlfs se pronuncia Ardané, pero no esplica on. Seguntes Antonio Ubieto Arteta yera Ardanuy de las Cebas en 1543; Ubieto diz que en 1834 formó municipio con Nerill (Neril y Ardanués, en plural).

S'interpreta que o suyo nombre ha evolucionato con perduga d'o diftongo -ué-, que diferencia l'aragonés d'o catalán, y reducción d'o diftongo -ua-, tamién visible en a comarca en aragonesismos arcaicos como La Cuasta:

• Ardanué > Arduané > Ardoné.

En o fogache de 1409 mencionan a un 'Adernuey que podeba corresponder a Ardoné:

Don Gerault d'Aspes qui devia pagar por XLª e VI casas, yes a saber, La Grossa VII, Aspes, XVII, Abellya IIIº, Bebils X, Adernuey uno, Millyera uno, Canguas uno

Rohlfs en 1952 interpreta que ye un caso de terminación -ué dezaga d'un antroponimo hipotetico Ardanus que se deriba d'o antroponimo galo Arda, documentato en Galia. Rohlfs comenta que se puet contimparar con Ardacus, que ye o nombre d'un figulus, y que puet estar equivalent d'un Ardenay d'o departamento de Sarthe, y que se deriva d'un *ARDENACUS.

A la ezquierda d'o río Baliera, enfrent d'on desembocan os barrancos que baixan dende Ardoné, y puyando por atros barrancos, bi ha un toponimo etimolochicament igual, pero sin trazas de diftongo -ué-: Ardanui. Tamién bi ha atro toponimo pareixito en Embún, o despoblato d'Ardanés.

Demografía

Evolución demografica

1910 1920 1930 1940 1950 1960 1970 1981 1991 - - - - - - - - 8

1992 1994 1996 1997 1998 1999 2000 2001 2002 - - - - - - 6 6 6

2003 2004 2005 2006 2007 2008 2009 2010 2011 6 5 5 4 3 3 3 3 -

2012 2013 2014 2015 2016 2017 2018 2019 2020 - - - - - - - - -

2021 2022 2023 2024 2025 2026 2027 2028 - - - - - - - - - -

1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE.

Molimentos

• Ilesia de San Esteban d'Ardoné, una ilesia en estilo romanico d'o sieglo XII con detalles lombardos. Consta d'una sola nau con un abside semicercular.
• Casa Peric, un edificio d'o sieglo XVI.

• Datos: Q13048410