Archiducau d'Austria
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Archiducau d'Austria Erzherzogtum Österreich | ||||
| Vasallo d'o Sacro Imperio Romano Chermanico | ||||
| ||||
| ||||
 | ||||
| Capital | Viena | |||
| Idioma oficial • Atros idiomas |
Austro-bavaro esloveno | |||
| Relichión | catolicismo | |||
| Gubierno | Monarquía | |||
| • O markgraf se converte en duque con o Privilegium Maius | 1156 | |||
| • Proclamación de l'Imperio Austriaco | 11 d'agosto de 1804 | |||
L'Archiducau d'Austria estió un d'os estaus mes importants d'o Sacro Imperio Romano Chermanico, y centro d'a monarquia d'os Habsburgo y o precursor de l'Imperio Austriaco con capital a Viena y gobernau por l'Archiduque d'Austria.
O suyo orichen ye en a Marchia Orientalis de l'Imperio Carolinchio, perdida cuan plegoron os hongaros, y recuperada dimpués d'a Batalla de Lechfeld. En o territorio recuperau arriban nuevos pobladors que chermanizan un país antes eslau; d'astí entadebant os eslaus d'este territorio controlau por alemans d'orichen bayoario serán os eslovenos. O territorio se converte en una d'as marcas d'o Sacro Imperio Romano Chermanico, contra eslaus y hongaros y nombran a un markgraf. En l'anyo 976 l'emperador Otón II nombra markgraf a Leopoldo I d'a Casa de Babenberg. En un texto de l'anyo 996 se fa mención d'a marca como Ostarrîchi, estando a primera mención d'Austria u Österreich.
En 1359, o Privilegium Maius fue utilizau por o duque Rodolfo IV d'Austria pa fer puyar o estau de ducau a archiducau, pero l'acción no fue reconoixida por o Sacro Imperio Romano Chermanico. Ernesto estió o primero en prener o títol. L'archiducau no fue reconoixiu formalment dica que os Habsburgo prenioron os reinos de l'Imperio en l'anyo 1453 con Frederico III.
Austria yera o solo estat que siempre se nombraba como archiducay, y dende o sieglo XVI, os miembros d'a casa d'os Habsburgo prenioron o títol d'archiduque "u d'as princesas similars d'a sangre" en atras casas reyals europeas. Dende 1512 con a reforma de l'imperio, l'archiducau estió tamién centro d'un d'os cerclos imperials, o Cerclo Austriaco, que estió basicament unir as tierras d'os Habsburgo.
En 1804, Francisco I d'Austria, dimpués d'a desintegración d'o Sacro Imperio con a derrota en a guerra d'a Tercera Coalición debant d'os exercitos de Napoleón Bonaparte, promovió o cambeo d'archiducau a Imperio Austriaco, como a reacción a la proclamación d'o Primer Imperio Francés.
Mencions en fuents aragonesas
[editar | modificar o codigo]En "La Flor de las Ystorias d'Orient" s'escribe ducat de ostaricha u Staricha:
