Archiducato d'Austria

De Biquipedia
Ir ta: navego, busca
(Erz-)Herzogtum Österreich
(Archi)ducato d'Austria
Vasallo d'o Sacro Imperio Román Chermanico
Flag of Austria.svg 1156 — 1804 Flag of the Habsburg Monarchy.svg
Bandera Escudo d'armas
Situación de (Archi)ducato d'Austria
Os dominos hereditarios d'os Habsburgo de 1477 en narancha
Capital Viena
Idioma oficial
 • Atros idiomas
Austro-baverán
eslovén
Relichión catolicismo
Gubierno Monarquía
 • O markgraf esdevién duque con o Privilegium Maius 1156
 • Proclamación d'o Imperio Austriaco 11 d'agosto de 1804

L'Archiducato d'Austria estió un d'os estatos més importants d'o Sacro Imperio Román-Chermanico, y centro d'a monarquia d'os Habsburgo y o precursor d'o Imperio Austriaco con capital a Viena y gobernato por l'Archiduque d'Austria.

O suyo orichen ye en a Marchia Orientalis d'o Imperio Carolinchio, perdita quan plegoron os hongaros, y recuperata dimpués d'a Batalla de Lechfeld. En o territorio recuperato arriban nuevos pobladors que chermanizan un país antes eslavo; d'astí entadebant os eslavos d'este territorio controlato por alemans d'orichen bayoario serán os eslovens. O territorio esdevién una d'as marcas d'o Sacro Imperio Román-Chermanico, contra eslavos y hongaros y nombran a un markgraf. En l'anyo 976 o emperador Otón II nombra markgraf a Leopoldo I d'a Casa de Babenberg. En un texto de l'anyo 996 a marca ye mencionata como Ostarrîchi, estando a primera mención d'Austria u Österreich.

En 1359, o Privilegium Maius fue utilizato por o duque Rodolfo IV d'Austria pa fer puyar o estato de ducato a archiducato, pero l'acción no fue reconoixita por o Sacro Imperio Román-Chermanico. Ernesto estió o primero en prener o títol. L'archiducato no fue reconoixito formalment dica que os Habsburgo prenioron os reinos d'o Imperio en l'anyo 1453 con Frederico III.

Austria yera o solo estat que siempre se nombraba como archiducato, y dende o sieglo XVI, os miembros d'a casa d'os Habsburgo prenioron o títol d'archiduque "u d'as princesas similars d'a sangre" en atras casas reyals europeas. Dende 1512 con a reforma d'o imperio, l'archiducato estió tamién centro d'un d'os cerclos imperials, o Cerclo Austriaco, que estió basicament unir as tierras d'os Habsburgo.

En 1804, Francisco I d'Austria, dimpués d'a desintegración d'o Sacro Imperio con a derrota en a guerra d'a Tercera Coalición debant d'os exercitos de Napoleón Bonaparte, promovió o cambeo d'archiducato a Imperio Austriaco, como a reacción a la proclamación d'o Primer Imperio Francés.

Mencions en fuents aragonesas[editar | editar código]

En "La Flor de las Ystorias d'Orient" s'escribe ducat de ostaricha u Staricha:

apres de Aquesto los tartaros passaron deues alamanna et fueron tanto que plegaro(n) ala ribera de vn Rio qui corre por el ducat de ostaricha los tartres cuydaron passar por vn puent que aqui auia mas el duch de staricha fizo fornir el pue(n)t et assi no pudieron passar auant los tartres