Confucianismo
O confucianismo u confucionismo (en chinés 儒學, ) ye lo conchunto de doctrinas morals y relichiosas que se desenvolvioron en China mientres mas de dos milenios a partir d'a obra atribuyida a lo filósofo Kong Qiu (551-479 a. de C.), conoixiu en Occident baixo lo nombre latinizau de Confucio (Kong Qiu + o sufixo fuzi). O nombre en chinés d'a suya escuela poderba traducir-se por Escuela d'os Letraus. O confucianismo ha exerciu una gran influyencia sobre Corea, Vietnam, Chapón y prencipalment en China, a on ha influyiu fundament en o pensamiento y la suya cultura, en a cual impregna toz os ambitos d'a vida, dende l'actitut debant d'a existencia, fixando los modelos de vida y pautas de valor social, dica proporcionar la base d'as teorías politicas y institucionals d'este estau.
Encara que lo confucianismo plegó a estar la ideolochía oficial d' estau chinés dica l'anyo 1912, cuan se proclamó la Republica de China, no ha existiu nunca como relichión establida con una Ilesia y un clero. Mas que crear una nueva relichión, intentó la recuperación d'os rituals y valors ancestrals chineses de cara a la reforma moral d'a sociedat en a cual vivió.[1] Os eruditos chineses alaboron a Confucio como gran mayestro y sabio, pero no l'adororon nunca como un dios, él tampoco no se proclamó como una divinidat. A diferencia d'atras tradicions, os templos erichius en a suya honor no yeran puestos a on grupos organizaus se reuniban pa alabar-lo, sino que edificios publicos disenyaus pa ceremonias anyals, en particular lo cumpleanyos d'o filosofo.
Os prencipios d'a filosofía confuciana los composan os "Cuatro Libros": Daxue, Zhongyong, Lunyu y Mengzi.
Bibliografía
[editar | modificar o codigo]- (es) Xinzhong Yao (2003), El confucianismo, Madrid: Akal Cambridge. ISBN 978-84-8323-133-3.
- (de) Ferran Berenguer-Huguet: Konfuzianismus, wieder. Wiederbelebung einer uralten Tradition im gegenwärtigen China. Freiburg im Breisgau: Publikationsorgan der Uni Freiburg, 2017.
Vinclos externos
[editar | modificar o codigo]
Se veigan as imáchens de Commons sobre o confucianismo.
| Control d'autoridaz |
|
|---|
Datos: Q9581- Multimedia: Confucianism / Q9581
- ↑ (ca) Tu Wei- Ming: El confucianisme. Cultivar-se a un mateix. Dialogal. Quaderns de l'Associació UNESCO per al Diàleg Interreligiós. Barcelona, verano de 2004, núm.10.