Alionor de Castiella y Portugal

De Biquipedia
Ir a la navegación Ir a la búsqueda
Alionor de Castiella y Portugal
Reina consort d'Aragón
Eleonor de Castilla 1330.jpg

5 de febrero de 1329-24 de chinero de 1336
Predecesor Tresa d'Entenza
Succesor María de Navarra

Atros títols
Infanta de Castiella
Naixencia 1307
?
Muerte 1359
Castrojeriz, Castiella
Conchuche/s Alifonso IV d'Aragón
Dinastía Casa de Borgonya
Pai Ferrando IV de Castiella
Mai Constanza de Portugal

Alionor de Castiella y Portugal (arredol de 1307 - Castrojeriz, Castiella, 1359), estió infanta de Castiella y reina d'Aragón (1329-1336).

Orichens familiars[editar | editar código]

Filla gran d'o rei Ferrando IV de Castiella y Constanza de Portugal. Yera nieta por linia paterna d'o rey Sancho IV de Castiella y María de Molina, y por linia materna de Dionís I de Portugal y Isabel d'Aragón. Estió chirmana d'o rei Alifonso XI de Castiella.

Nupcias y descendients[editar | editar código]

Fue promesa en a suya infancia a o infant Chaime d'Aragón, o primochenito d'o rei d'Aragón y conte de Barcelona Chaime II o Chusto. Manimenos, o infant, ansioso de prener os votos sagraus, prebó de renunciar-ie, dica o punto de que fuyió d'amagau en o transcurso d'a ceremonia nupcial que se celebraba en Gandesa, en 1319.[1] Iste acto no fació guaire goyo a la cort castellana.

O 5 de febrero de 1329 en a seu de Tarragona, Alionor se casó con o rei Alifonso IV d'Aragón, chirmán d'o infant Chaime, convertindo-se en a suya segunda muller. Fruito d'iste matrimonio naixioron:

Succesión a la Corona[editar | editar código]

A succesión, seguntes o prencipio d'a indivisibilidat d'a Corona, correspondeba a Pero, o futuro Pero IV d'Aragón, fillo d'a primera muller d'o Benigno, Tresa d'Entenza. Debant d'iste feito Alionor presionó a o rei ta que consentise a o menos fer importants donacions territorials a os fillos tenius con ella. Asinas, Ferrando recibió o marquesau de Tortosa y quantas poblacions d'o reino de Valencia, como tamién en recibió belunas o suyo chirmán Chuan. Istas donacions, que suposaban una mingua considerable d'o patrimonio reyal y que perchudicaban mas que mas a o primochenito, facioron que esclatase un conflicto politico-social. A nobleza se dividió y una parti refirmó a la reina y os suyos dos fillos. Pero a enerchica protesta d'os subditos valencians estió decisiva ta que o rei revocase una parti d'as donacions.

Poco antis d'a muerte d'o Benigno, Alionor habió de fuyir a Castiella con os infants Ferrando y Chuan por temor d'a posible venganza d'o suyo fillastro. Mientres a guerra d'os Dos Peros fue engarcholada por Pero I de Castiella, que la fació asasinar en o castiello de Castrojeriz en 1359.

Referencias[editar | editar código]

  1. (ca) Relación castellano-aragonesa desde Jaime II a Pedro El Ceremonioso. Angels Masià i de Ros. CSIC-Dpto. de Publicaciones, 1994. Pach. 199. ISBN 8400074459


Predecesora:
Tresa d'Entenza
Consort d'o rei d'Aragón
5 de febrero de 1329-24 de chinero de 1336
Succesora:
María de Navarra