Ir al contenido

Alcort

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Alcort
Partida de Binéfar
Entidat
 • País
 • Municipio
Partida
Aragón
Binéfar
Codigo postal 22500
Parcelas 211[1]
Muga con La Chuvera, A-22, mont Fobet

Alcort[2] ye una partida d'o termin municipal de Binéfar. Se troba situada chunto a l'A-22, a l'ueste d'a localidat y mugando con a partida de la Chuvera, a canal de Zaidín y o mont Fobet. Ye travesada por a cequia d'Alcort.

Toponimia[editar | modificar o codigo]

Alcort yera una antiga aldeya situada en o termin municipal de Binéfar y despoblada dende metat d'o sieglo XVII. Perteneixeba a la Orden d'o Hespital dende l'anyo 1414, integrada en a castellanía d'Amposta en 1610, dica a suya incorporación a Binéfar en 1634.[3]

A documentación más antiga que existe reculle a forma Alcorn, como apareixe en o Libro Verde de l'Archivo Capitular de Leida en un texto de 1160, concretament en unas cartas sobre a replega de monedache d'a castellanía de Monzón de 1336 y 1339 y en o Libro d'o monedache de 1397 d'a zona d'a Cinca y de Litera. Apareixe dimpués en o fogache aragonés de 1495 como Alquor, con 13 fuegos y pendendo encara d'a Orden d'o Hespital.

Manimenos o toponimo Alquort ya ye present en manuscritos d'o sieglo XVI d'a localidat d'Albelda, veyendo-se o cambeo consonantico de /n/ final agrupada en /t/, un rasgo fonetico que encara ye vivo en o catalán de Litera en parolas como "forn > fort", "hivern > hivert".

Ista forma se troba tamién dos sieglos dimpués en textos notarials escritos ya en castellano:

Por tanto de grado & certificados & vendemos a y en favor del referido Francisco Corzan y Falzes para si & es a saber el dicho olibar sitio en los terminos del mismo lugar a la partida Alcort, que confronta con camino que ba a las Brujas, con heredad y carrascal de nosotros dichos vendedores, con heredad de Prospero Gombau y con heredad de Jayme Mas
Notario: Miguel Dobato, 9 d'aviento de 1760

L'orichen d'o toponimo sería una adaptación d'o latín CŎLLIS, d'an derivaría a /alqúll/ en arabe andalusí y d'iste "alcor", con o significau de "tozal", por disimilación consonantica. Asinas a consonant final que apareixe en Alcorn > Alcort s'adhibe a causa d'o refuerze d'o soniu vibrante final.

Referencias[editar | modificar o codigo]