Alán

Ta atros usos se veiga Alán (desambigación)

Alán
Alan Bates, actor britanico
Orichen	Bretón (?)
Chenero	Masculín
Santoral	9 de setiembre, Alán d'a Roca
Significau	?
Zona	Europa
Articlos en Biquipedia	Todas as pachinas que prencipian por Alán

Alán u Alano ye un antroponimo masculín d'etimolochía no guaire clara, d'uso frecuent en ciertos países d'Europa Occidental pero sin guaire tradición d'uso en aragonés.

Etimolochía

Anvista de Los Alanos dende Zuriza, toponimo que se puet remontar a l'antroponimo "Alano".

Os bretons han estau entre os primers pueblos en usar este antroponimo, ya en o sieglo VI. Estió un antroponimo dinastico, bi heba reis y nobles bretons con este nombre y mencionaus en o "Libro de las Cheneracions".

fose a morar con el rey Alán, qui hera muyt so amigo; et sonó con él troa que fo pasada la fambre e la mortaldat.

Se sabe que dende Bretanya se trasmitió l'uso d'este antroponimo a Anglaterra con a participación de bretons en a invasión normanda d'Anglaterra dimpués d'a Batalla de Hastings en o sieglo XI. Tanimientres en Francia se feba servir ya a forma francesa Alain y as suyas variants.

No queda claro si a etimolochía d'"Alán" se remonta a una radiz celtica u a lo etnomimo d'os alanos. En bretón alan, termin coloquial pa dicir "rabosa" y antigament "ciervo", y conoixiu tamién en galés antigo, y con un probable antroponimo homologo celtibero Elanus.. Una relación con o etnonimo d'os alanos podría chustificar-se por a presencia d'alanos en a rechión d'o Loira a principios d'o sieglo V, a on podrían haber teniu contacto con os bretons y os galo-romanos.

L'antroponimo "Alán" u "Alano" podría explicar ciertos toponimos d'as vals Echo y Ansó como "Sierra d'Alano", "Rincón d'Alano", "Camino d'Alano", "Cordal de los Alanos", "Alano a Ralla", "Alano Espelunga", "Achar d'Alano", ecetra.

Formas d'Alán en diferents luengas

• Bretón: Alan
• Gaelico: Ailean
• Galés: Alun
• Latín: Alanus
• Castellano: Alano
• Catalán: Alà
• Francés: Alain, Alan
• Occitán: Alan
• Anglés: Alan, Allan, Allen, Allyn
  • Diminutivos: Al
  • Feminins: Alanna, Alana, Alaina, Alayna, Allana, Alanis, Alannah, Allannah, Alannis
  • Diminutivos feminins: Lana
• Croata: Alen
• Esloveno: Alen

Referencias

• Datos: Q22077235