Spirou Basket Club
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Proximus Spirou | |||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| |||||||||||||||||||||||||||
Datos
| |||||||||||||||||||||||||||
| Nombre oficial | Spirou Basket Club | ||||||||||||||||||||||||||
| Embotada(s) | Les Spirous | ||||||||||||||||||||||||||
| Establito | 1989 | ||||||||||||||||||||||||||
| Colors | Negro, royo, blanco | ||||||||||||||||||||||||||
Instalacions
| |||||||||||||||||||||||||||
| Centro esportivo | RTL Spiroudome | ||||||||||||||||||||||||||
| Localidat | Charleroi | ||||||||||||||||||||||||||
| Capacidat | 6.300 | ||||||||||||||||||||||||||
| Devantad. | 5 d'abril de 1992 | ||||||||||||||||||||||||||
Dirección
| |||||||||||||||||||||||||||
| President |  Jean-Jacques Cloquet
| ||||||||||||||||||||||||||
| Manager cheneral | Vincent Stavaux
| ||||||||||||||||||||||||||
| Entrenador |  Brian Lynch
| ||||||||||||||||||||||||||
| Entr. asistents | Kristof Michiels
| ||||||||||||||||||||||||||
Títols
| |||||||||||||||||||||||||||
| Nacionals | 10 Liga belgas 5 Copa de Belchica 4 Supercopa de Belchica | ||||||||||||||||||||||||||
Competición
| |||||||||||||||||||||||||||
| Liga | Ligue Ethias | ||||||||||||||||||||||||||
| 2016-17 | 5eno | ||||||||||||||||||||||||||
| Pachina oficial d'o club | |||||||||||||||||||||||||||
Equipacions
| |||||||||||||||||||||||||||
| |||||||||||||||||||||||||||
O Spirou Basket Club, conoixito comercialment con o nombre de Proximus Spirou Charleroi, ye un club belga de baloncesto, establito en l'anyo 1989. Chuga en a Basketball League Belgium (BLB), conoixita tamién como Scooore League, en l'anyada 2017/18 y en o Spiroudome d'a ciudat de Charleroi como equipo local.
Historia
As primeras anyadas
O Spirou Charleroi fue establito en 1989, a partir de un equipo de Monceau. Clamato "Spirou Monceau" en 1988, dimpués conoixito como "Spirou Charleroi" con a puyata a primera división en 1989, o club carolo[1] vivió un exito sin precedents.
En a anyada 1992-93, con l'arribada de l'entrenador Giovanni Bozzi, o equipo remató tercero en a fase regular d'o campionato. Dimpués se clasificó ta a final d'os play-offs, an trafegó contra o Racing de Malines (o millor equipo belga d'os anyos 80 y en o prencipio d'os 90) por 3-2.
L'anyo siguient Spirou chugó, por primera vegada, en a competición europea clamata Copa Korac. Dimpués d'eliminar a o Estrala Lisbona en a primera tornada, Charleroi chuga en a fase de grupos. Iste grupo ye formato por Cantù, KK Zagreb y Fenerbahce Istanbul, rematando-se a temporata con o tercer puesto en a clasificación d'o grupo con dos trunfos.
En a siguient temporata Charleroi s'emologo como o nuevo millor equipo belga ya que remató l'anyada segundo, pero perdió con o Racing de Malines en a final d'os play-offs por 3-2. En a Copa Korac l'equipo fue eliminato por o club griego Peristeri en a primera ronda.
En l'anyada 1995-96, dimpués d'os buenos resultatos d'a fase regular d'o campionato, Charleroi chuga a semi-final d'a fase final con o Racing de Malines. O club flamenco tién en istos intes problemas esportivos y financieros, y o Spirou gana a serie 2-0. A final d'o campionato enfrenta a o equipo carolo con o BC Oostende, primero en a liga regular. Ista ye o primer enfrentamiento entre istos dos equipos, os cuals dimpués d'a desaparición de Malines serán os mas importants en a liga belga. En ista ocasión Oostende gana 3-2, estando a tercera vegada que Charleroi pierde a final d'a liga nacional. En a competición europea, o equipo pierde en a primera tornada frent a o equipo turco Ülker İstanbul.
Primers titols
En a busca d'o primer lugar en a liga regular; o Spirou ficha, dende o desapareixito equipo de Malines, a lo pivot Eric Struelens, millor chugador d'a historia d'o baloncesto belga.
O efecto Struelens ye immediato y Charleroi remata en o primer puesto d'a clasificación d'a fase regular y gana a Copa de Belchica a o BC Oostende en una final epica que remató 65-63 y dio o primer titol a o equipo carolo.
En a semifinal d'a liga Charleroi s'enfrento a o Okapi Aalstar d'a ciudat de Alost, equipo dificil en o suyo pabillón. Dimpués de perder o primer partiu, os carolos ganan en o segundo partiu por bels puntos, clasificando-se ta a final d'o campionato por cuarta anyada seguita. Ista final d'os play-offs ye un gran momento d'a historia d'o Spirou; ya que dimpués de una victoria difuera, Charleroi gana os dos siguient partius en a suya casa, conseguindo o suyo primer titol de liga.
En competición europea, por cuarta anyada consecutiva en Copa Korac, gana as dos primeras rondas a o equipo portugués Ovarense Basquetebol y o chicot club de Brtojno (69-118 difuera y 141-68 en casa); dica ser eliminato por o equipo espanyol Estudiantes en a tercera ronda.
L'anyada siguient ye un anyo important en a historia d'o club. Son os campions vichents en Belchica y en Europa son clasificatos ta a maxima competición d'o continent, a Euroliga, dimpués de cuatro anyadas en a Copa Korac. Ista anyada 1996-97 ye l'anyo d'a devantadera d'un nuevo pabillón, clamato "La Coupole" (en aragonés: A Cupula), con un espacio VIP y con capacidat ta 3.800 personas. Tamién prencipia a colaboración con o club Gilly, de segunda división y dende iste momento ye conoixito como "Spirou Gilly".
En l'aria de marketing d'o club prencipian nuevos prochectos como a creyación d'una revista clamata "Spirou" en o centro d'a villa de Charleroi; y a creyación d'a "Golden Card" (Tarcheta Dorata) con a cual os suyos poseyedors teneban muitas ventachas como regalos y discuentos, entre altros. Con ista promoción os abonatos puyan de 200 dica 800.
Os malos resultatos d'os primeros partius de l'anyada levoron ta a surtida d'o entrenador Eric Struelens, ganador d'o primer titol de l'equipo carolo; y o suyo remplazo estió o polaco Adam Wojcik.
En a liga nacional o Charleroi remata a fase regular en a primera posición; mientres que en a Euroliga o equipo tién mayors problemas. Eliminato en a primera fase d'a competición, a on o equipo s'enfrentó con Cibona Zagreb, Fortitudo Bolonya, Olympiacos, Estudiantes, ALBA Berlin, Olimpia Milano, CSKA Moscú y Maccabi Tel Aviv, unico equipo que ye redotato por o club belga.
Dimpués de perder o titol de copa frent a o BC Ostende, os carolos prencipian os play-offs con muita presión. Dimpués de redotar nuevament a os alostois como l'anyada anterior, s'enfrentan a Ostende en a final d' campionato. Finalment Spirou Charleroi gana 3-0 y obtiene o suyo segundo titol de campión de Belchica.
L'anyada 97-98 prencipió con una mala noticia, con a muerte d'o president Étienne Bertrand. Iste estió un personache muito important en o baloncesto belga, pero os suyos colaboradors permiten a continación d'o prochecto. O entrenador Éric Somme ye o nuevo president d'o club, y baixo o suyo mandato o equipo amilloro os suyos plans esportivos y financieros asinas como os departamentos de marketing y venda.
En lo esportivo l'anyada ye muito buena, rematan primeros en a fase regular y ganan o suyo tercer titol de Campión de Belchica por tres a zero frent a o equipo d'Anvers. En a endrecera europea, en a Copa Saporta, o suyo recorrito ye impresionant: o club remata primero d'o suyo grupo (formato por Den Bosch, KK Zagreb, Patras, Polzela y USK Prague), pero ye eliminato en dieciseisavos de final por os alemans de Rhondorf.
En o anyo 1999 os carolos rematan primers en a fase regular d'a liga, ganan a copa a suya segunda Copa de Belchica y en os play-offs consiguen ganar o suyo cuatreno titol dimpués de redotar a Ostende en semifinals y a Anvers en a final d'a competición por tres partius a uno.
En a Copa Sarpota de l'anyada 98-99 rematan segundo d'o suyo grupo (formato por KK Bosna Sarajevo, Hapoel Jerusalem, Tofas Bursa, Lietuvos rytas y Kormend) y s'enfrenta a o campión vichent en dieciseisavos de final, o CSP Limoges. Dimpués de vencer a dito equipo, en ueitenos de final son eliminatos por o Bennetton Treviso en dos partius.
Momentos complicatos: 1999-2002
L'anyada 99-00 ye menos brilant ta o Charleroi. O equipo pierde a semifinal d'a liga belga frent a o BC Oostende, dimpués de siet finals seguitas; y en competición europea, dimpués d'a suya clasificación ta os dieciseisavos de final como cuartreno d'o suyo grupo (formato por AEK Atenas, Saratov, Espoo y Hapoel Jerusalem), ye eliminato por o Pamesa Valencia.
O siguient anyo ye pro aburriu con a redota en a final d'a copa belga contra Oostende y en a final d'a liga contra o mesmo rival por tres a zero. A ran europeo, Charleroi torna a la Euroliga por segunda vegada. En o suyo grupo, con rivals de gran livel (AEK Atenas, TAU Vitoria, Virtus Bolonya, Cibona Zagreb y Sant Petersburgo), nomás consigue dos victorias (contra a Cibona y Sant Petersburgo).
En a temporata 2001-02 o equipo carolo gana a final d'a Copa de Belchica frent a o club de Wevelgem, consiguiendo o suyo tercer titol. Tamién arriba dica a final d'os play-offs d'a liga, pero finalment ye Oostende o campión dimpués de vencer dos a tres en a eliminatoria. Dimpués d'a reforma d'o formato de copas d'Europa, Charleroi chuga en a Euroliga por tercera vegada. En as eliminatorias preliminars o equipo belga gana a o Portugal Telekom Lisbona y a o Hapoel Jerusalem, chugando dimpués en un grupo muito complicato con Unicaja, Benetton Treviso, Maccabi Tel-Aviv, Olympiacos, Efes Pilsen Istanbul, ALBA Berlin y Slask Wroclaw, pero ye eliminato.
Ista anyada tamién s'anuncia a devantadera d'o nuevo pabillón d'a ciudat ta l'anyada 2002-03: o Spiroudôme, uno d'os millors pabillons europeos d'o momento. A suya capacidat ye de 7.500 personas, con dos restaurants, 9 bars, 2000 plazas d'aparcamiento y mas de 20 botigas.
Tornada a l'exito: 2002-2004
L'anyada 2002-03 prencipia con o cambio de pabillón y o fin d'a etapa de l'entrenador Giovanni Bozzi, dimpués de diez anyos en dito cargo. O nuevo entrenador ye Savo Vucević, o cual procede de Cholet Basket.
Iste anyo o club carolo destruye tot en a competición belga, ganando a copa y a liga, con un equipo menato por os nuevos chugadors como Marcus Faison, André Riddick y Roel Moors. En a liga ganan 39 d'os 40 partius y vencen en a final a altro equipo valon, o Verviers-Pepinster. En l'ambito europeu, Charleroi chuga en a primera edición d'a Copa ULEB. Remata segundo d'o suyo grupo (formato por Cholet, Leida, Varese, Amsterdam y KK Zadar) y ye eliminato en a segunda fase por o Joventut de Badalona, dimpués de ganar o partiu d'ida.
En a temporata siguient, y con un equipo pareixito a l'anyada anterior, Charleroi gana o suyo seiseno titol de campión de Belchica dimpués de vencer a o equipo de Lidje por 3-2. Dimpués de perder nomás cuatro partiu en a liga regular, en os play-offs tién partius complicatos en a semifinal frent a o Anvers y en a final con o equipo de Lidje, primer equipo en redotar a os carolos en a suyo pabillón, pero finalment ganan o titol.
En o camín europeu habió un partiu muito complicato contra Varese con una baralla entre os chugadors d'os dos equipos y o cual remató con a expulsión de tres chugadors italianos y seis chugadors carolos. Charleroi se clasifica ta os uitenos de final frent a l'Estudiantes de Madrit pero ye eliminatos por iste equipo espanyol anque venció en Madrit por 84-91.
Ista anyada ye a primera vegada que o Spiroudôme ye a seu d'a final d'a Copa ULEB. En ista edición s'enfrentan o Real Madrid y o Hapoel Jerusalem, y o millor chugador d'o Hapoel, Tunji Awojobi, ye achustato por Charleroi en l'anyada siguient con l'obchectivo d'amillorar o lugar d'o club belga en Europa.
Nuevos fracasos: 2004-2007
En l'anyada 2004-05 o club chuga competición europea (Copa ULEB) por tercera vegada seguita. En ista competición o equipo plega dica cuatrenos de final, an ye redotato por o Valencia Basket. Antis, os carolos heban redotato en ueitenos de final a l'equipo bulgaro de l'Academic Sofia y una fase de grupos con rivals como Gravelines Dunkerque, ALBA Berlin, Debrecen, PAOK Tesalonica y Budućnost Podgorica.
En a liga belga l'anyada de Spirou ye muito mala porque dimpués d'endrezar a competición tot o curso son redotatos en a final d'os playoffs por o equipo d'Anvers por 3-1; y en a Copa de Belchica perdioron en a final frent a l'equipo de Louvain, un modesto equipo.
L'anyada siguient, 2005-06, ye a pior anyada dende a puyata a la primera división belga a finals d'os anyos 80. L'equipo ye finalista en a copa belga frent a Mons y plega cinqueno en a clasificación final d'a liga, no participando en os play-offs por o titol por primera vegada dende 1992. En a Copa ULEB, Charleroi clasifica t'os ueitenos de final dimpués d'una primera fase con un grupo composato por Lucentum Alicante, UNICS Kazan, KK Železnik, Beşiktaş y Queluz; pero ye redotato en ueitenos de final frent a o Dinamo Moscú.
Con l'obchectivo de tornar a conseguir exitos, o club ficha a o entrenador Eddy Casteels. Con el, o equipo remata primero en a liga regular pero ye redotato en semifinals d'os play-offs por Bree en dos partius seguitos. En Europa participan en a Copa FIBA, a on dimpués de pasar de ronda en a primera fase (en un grupo formato por Dinamo Moscú, Barons Riga y Khimik Youjne) ye redotato en a segunda fase (con un grupo formato por Paniōnios, Türk Telekom y Lokomotiv Rostov).
Dimpués de 2007
Nombres Comercials
|
Plantilla
Plantilla 2015/16
| Proximus Spirou Basket 2015-16 | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Chugadors | Equipo tecnico | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
Plantilla | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Entrenadors
| Calendatas | Nombre | Nacionalidat |
|---|---|---|
| 1989-1991 | André Smets | Belchica
|
| 1991-2002 | Giovanni Bozzi | Belchica
|
| 2002-2005 | Savo Vučević | .svg){kind=small} Serbia y Montenegro
|
| 2005 | David Desy | Belchica
|
| 2006-2007 | Edy Casteels | Belchica
|
| 2007-2009 | Drazen Anzulovic |  Croacia
|
| 2009-2014 | Giovanni Bozzi | Belchica
|
| 2014-hue | Giovanni Bozzi | Belchica
|
Chugadors historicos
Historial
| Anyada | Liga | Competicions de copa | Competicions europeas | ||||||
|---|---|---|---|---|---|---|---|---|---|
| Ran | Liga | Pos. | Resultato final | Copa | Supercopa | Ran | Liga | Resultato | |
| 2006–07 | 1 | Liga Ethias | 1 | Semifinalista | – | FIBA EuroCup | |||
| 2007–08 | 1 | Liga Ethias | 1 | Campión | – | ULEB Cup | |||
| 2008–09 | 1 | Liga Ethias | 1 | Campión | Campión | Eurocup | |||
| 2009–10 | 1 | Liga Ethias | 2 | Campión | Finalista | Subcampión | Euroliga | ||
| 2010–11 | 1 | Liga Ethias | 1 | Campión | Semifinalista | Campión | Euroliga | ||
| 2011–12 | 1 | Liga Ethias | 3 | Subcampión | – | Subcampión | Euroliga | ||
| 2012–13 | 1 | Liga Ethias | 2 | Semifinalista | Last 16 | - | Eurocup | ||
| 2013–14 | 1 | Liga Ethias | 3 | Cuartos de final | Semifinalista | - | Eurocup | ||
| 2014–15 | 1 | Liga Ethias | 5 | Semifinalista | Cuartos de final | - | Eurocup | ||
Palmarés
- Liga Ethias (10): 1996, 1997, 1998, 1999, 2003, 2004, 2008, 2009, 2010, 2011.
- Copa de Belchica (2): 1996, 1999, 2002, 2003, 2009.
- Supercopa de Belchica (4): 2001, 2002, 2008, 2010.
Instalacions
O club Spirou Charleroi ha tenito diferents pabillons de chuego en a suya historia. O pabillón de Ballens hue ye a seu d'os partius de l'equipo femenín de baloncesto d'a ciudat, o Spirou Girls Charleroi. Ista ye a lista con os pabillons a on chugó o club:
| Pabillón | Calendata | Capacidat | Localidat | Imachen |
|---|---|---|---|---|
| Ballens | 1988-1990 | 1.500 cadieras | Monceau-sur-Sambre, circa de Charleroi | |
| La Garenne | 1990-1996 | 2.500 cadieras | Charleroi | |
| La Coupole | 1996-2002 | 3.800 cadieras | Charleroi |  |
| Spiroudôme | 2002-hue | 6400 cadieras | Charleroi |  |