Garimbasta

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Garimbasta.

A garimbasta ye o fruito caracteristico d'a garimbastera u niespolera europea (Mespilus germanica); ixo ye, un tipo concreto de niéspola, considerada borde y de menor calidat, que a diferencia d'as niéspolas de cautivo (producidas por o nispolero de Chapón) se culle en agüerro y no pas en primavera.

Ye un fruito dulce, con a pela de color marrón verdisca mesmo cuan ye madura, por o que cal pretar-la con os didos antes de pillar-la pa asegurar-se que le ha gosau arribar la hora. Ye aspra por l'exterior, mas arronchada y chicorrona que as niéspolas comuns, y con as restas d'o caliz floral mas evidents. Si se culle enantes de que sía bien madura, o gusto ye amargo y se torna muit amarga cuan se le ha pasau o tiempo, por a cual cosa s'ha de minchar cuan ye en o suyo punto: con a pulpa marrón, tova, y d'aspecto una mica farinoso (como pasada, pero no en ye); alavez ye dulce.

Si se culle humeda u mullada, cosa mica rara contando que ye fruita de noviembre, y se quiere guardar bels días s'ha de secar con bel material absorvent, como por eixemplo papel de periodico; Caso contrario se putrirá a-escape. Tradicionalment yera tipico secar-las metendo-las en a palla.

Se veiga tamién

• Niéspola.
• Niespolera.
  • Eriobotrya japonica.
  • Mespilus germanica.
• Codonyo.
• Manzana.
• Pera.
• Figo.

Vinclos externos

• Se veigan as imáchens de Commons sobre garimbastas.