Saxifragales

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Saxifragales
Saxifraga longifolia, a «coda de borrega», saxifragal común en as penyas y os cillos de l'Alto Aragón.
Denominacions populars
Saxifragals
Clasificación cientifica
Dominio:	Eukaryota
Reino:	Plantae
División:	Magnoliophyta
Clase:	Magnoliopsida
Orden:	Saxifragales
Descripción
Saxifragales BERCHT. & J Presl, 1820

As saxifragals (pronunciau /sasifra'gals/), scientificament en latín Saxifragales (BERCHT. & J Presl, 1820), son una orden de plantas anchiospermas adintro d'as Magnoliofitas.

Se tracta d'un verdader clado monofiletico, seguntes s'ha demostrau con os zaguers estudios de chenetica molecular. Manimenos, a suya clasificación historica ha estau controvertida, con grupos de plantas que enantes no se'n consideraba parte que agora sí que en son, y belatros que se'n ha sacau.

Descripción

Os solos rasgors morfolochicos comuns en todas as saxifragals son: os estambres tienen anteras fixas, os carpelos d'o chineceu son libres en o extremo apical y os estigmas son decurrents, y os fruitos son secos.

Ista escasez de rasgos de coherencia morfolochica ye a que chustifica fundamentalment as criticas d'os cladistas morfolochicos a la clasificación muderna d'a orden. Manimenos, como s'ha exposau, os estudios cheneticos d'ARN ribosomal y de DNA d'os cloroplastos demuestran a existencia d'avantpasaus comuns entre todas as familias de saxifragals.

Clasificación

No toz os autors acceptan a suya estructura actual ni l'árbol filochenico derivau, especialment entre os más fiels a la cladistica tradicional que se basa en a comparación morfolochica d'as plantas y menosprecia o papel d'a chenetica en a Taxonomía. Mesmo entre os defensors de a dita estructura actual, bi n'ha que acceptan que puede estar que s'hese de revisar u, lo menos, matizar con achuda de l'anatomía comparada, anque as prebas d'ancestría común son contundents y, por contra, bi ha pocos rasgos morfolochicos comuns en todas ellas.

Familias

Seguntes a zaguera clasificación de l'APG III, d'as saxifragals puede cuaternar-se'n 16 familias:

• Altiginaceae
• Aphanopetelaceae
• Cercidiphyllaceae
• Crassulaceae
• Cynomoriaceae
• Daphniphyllaceae
• Grossulariaceae
• Haloragaceae
• Hamamelidaceae
• Iteaceae
• Paeoniaceae
• Penthoraceae
• Peridiscaceae
• Pterostemonaceae
• Saxifragaceae
• Tetracarpeaceae

Vinclos externos

• Se veigan as imáchens de Commons sobre Saxifragales.
• Wikispecies tiene un articlo sobre Saxifragales.