Vianes
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Vianes Vienne | ||
| Comuna de Francia | ||
| ||
 Vianes | ||
| Estau • País • Rechión • Departam. • Districto • Cantón |
 Francia ArpitaniaAuvernia-Roine-Alpes Isèra (subprefectura) Vianes (capital) Capital de 2 cantons: Vianes-1 y 2 | |
| Mancomunidat | Communauté d'agglomération Vienne Condrieu | |
| Superficie | 22,65 km² | |
| Población • Total • Densidat |
31 051 hab. (2013) 1.300 hab/km² | |
| Altaria • Maxima • Minima |
404 m 140 m | |
| Alcalde | Thierry Kovacs | |
| Codigo postal | 38200 | |
| Codigo INSEE | 38544 | |
| Coordenadas | ||
_-_1887.svg)
Vianes (en francés Vienne, en francoprovenzal Vièna) ye una ciudat francesa situada en a rechión d'Auvernia-Roine-Alpes y en o departamento d'Isèra. Se troba situada en a ribera ezquierda d'o Roine en o forcallo con o Gère, a bels 25 km a o sud de León d'o Roine.
Toponimia
En os "Libros de Collidas d'as Cheneralidaz d'o Reino d'Aragón", correspondients a os anyos centrals d'o sieglo XV, se pueden trobar tamién decumentos escritos en diferents ciudaz aragonesas a on apareixe escrito Vianes[1].
Història
Dita en latín Vienna, ye nombrada por primera vegada por Chulio César como a capital d'os alobroches. Estió colonia romana (Iulia Vienna) y mientres l'imperio yera una d'as prencipals ciudaz d'a Galia, rivalizando con Lugdunum (León d'o Roine), estando a capital d'a diocesi d'as siet provincias. D'a epoca romana quedan una parti d'as murallas, bellas arcadas que se suposa que yeran a dentrada d'as termas y un templo bien conservau que hue ye un museu. Amán de Vianes i hai un molimento conoixiu como a fuesa de Poncio Pilatos que seguntes a tradición fue desterrau a la ciudat. A via Domitia va dende Arelate (Arlet) por l'este d'o río dica a León d'o Roine y pasa por Vianes.
En o sieglo IV estió seu d'un bispau elevau a acebispau en 450 y que existió dica 1792. Dende 432 estió a capital d'o reino burgundio. Se'n fació condau baixo os merovinchios y baixo os carolinchios. En 879 estió capital d'o reino de Provenza y d'o reino d'Arlet en 933. Dende poco dimpués de l'anyo 1000 o condau de Vianes se dividió en o condau d'Albon y a parti cedida a Saboya, o condau de Mauriena, reconoixius os dos como feudos de l'imperio en 1032. A resta s'unió a o condau de Mâcon.
En 1112 se i celebró un concilio que estió un d'os mas importants de toz os celebraus en a ciudat, en o que se condenoron as investiduras y s'excomulgó a l'emperador Henrique V. Lo mas important d'istos concilios estió o de 1311-1312 en que fuoron condenaus os templers.
En 1378 o delfín, nombrau vicario imperial d'o reino d'Arlet, ocupó a ciudat que fue unida a Francia en 1448.
Demografía
| ||||||||||||||||||
| ||||||||||||||||||
| ||||||||||||||||||
| ||||||||||||||||||
| Ta os censos dende 1962 dica 1999, a población legal corresponde a la población sin duplicidaz seguntes define l'INSEE. | ||||||||||||||||||
Personaches ilustres
- Calixto II, papa
- Pierre Étienne Rémillieux, pintor.
- Sant Antón Abat (i ye apedecau)
Referencias
- ↑ (es) Léxico del comercio medieval en Aragón (siglo XV), J. Ángel Sesma, Ángeles Líbano, Institución Fernando el Católico, 1982. ISBN 84-00-05140-8
Vinclos externos
- (fr) Pachina web oficial