Banyos de Benás

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Banyos de Benás
Banyos de Benás
Situación cheografica
Estato
País	Aragón
Comarca	Ribagorza
Situación	Benás
Adreza	Carretera de Francia, S/N. 22440 Benás - Uesca
Altaria	1.720 m
Servicios
Auguas	Hipotonicas, sulfhidricas, silico-carbonatatas, alcalino-calcias, oligominerals y bicarbonatatas
Fuents	Sant Marcial, Sant Cosme, Sant Roque, Sant Chuan y Sant Veturián.
Ríos
Lacos	{{{lacos}}}
Ubierto	Meyatos de chunio-primerías d'octubre
Servicios
Premios
Construcción
Inicio
Fin
Inauguración
Destrucción
Arquitecto
Incheniero estructural
Incheniero de servicios
Incheniero civil
Atros
Localización
Banyos de Benás Situación de Banyos de Benás en Aragón
Pachina web

Os banyos de Benás son un balneario aragonés situato en o municipio de Benás, en a comarca de Ribagorza. O balneario se troba situato en l'interior d'a val, a on que as vistas son prou politas. Con una altaria de 1.720 m ye o balneario mas alto d'Aragón y d'Espanya.

Historia

Estioron os romanos os primers en aproveitar as propiedaz curativas d'istas auguas termals, manimenos as primeras noticias decumentals que conoixemos son de l'anyo 1522, cuan l'apoticario de Benás Francisco Frigoiti administraba istas auguas.

O licenciato en Medicina y monche de Sant Veturián Pedro Lecina da nuevas referencias sobre istas auguas dos sieglos dimpués, en l'anyo 1721. O monche charra sobre as fuents de Sant Marcial, Sant Cosme, Sant Roque, Sant Chuan, Sant Veturián y Opiliadas y recuenta l'analís que fa d'as auguas chunto a l'apoticario local, Bartolomé Juste.

En 1801, l'alavez ministro de Guerra, o benasqués Antonio Cornel construye una casa en os banyos que milloraría o tamién benasqués, senador y ministro d'Hicienda José Ferraz y Cornel. Cuatro anyos dimpués amaneixe o folleto "Tratado de las virtudes y usos de las aguas minerales de la villa de Benasque" que publica en Zaragoza Anacleto Bada y que da datos, indicacions y contraindicacions d'istas auguas.

Mientres a Guerra Civil se cremoron as instalacions d'os banyos y en rematar istas Valero Llanas Tolosa, con una concesión d'o Concello de Benás, reconstruyó y modernizo o balneario.

A declaración en 1967 d'as aguas como mineromedicinals suposó un empentón ta l'actividat d'o complexo.

Auguas y tractamientos

As auguas termals de Benás son hipotonicas, sulfhidricas, silico-carbonatatas, alcalino-calcias, oligominerals y bicarbonatatas y salen a 37 °C de temperatura.

As propiedaz d'istas auguas son relaxants, antinflamatorias, diureticas y depurativas y son buenas ta os reumatismos, artrosis, estrés, calculos renals, bronquitis u malautías de l'aparato dichestivo entre atras.

Entre os tractamientos que se ofreixen se troban o hidromasache, o banyo d'algas, ducha de chorro, ducha benasquesa, gabinez de masache, bardoterapia, yoga y aromaterapia. Bi ha un equipo de medicos hidrologos y fisioterapeutas a o servicio d'os clients.

Servicios

O complexo ye ubierto entre os meses de chunio y setiembre, con un hostal d'una estrela con capacidat ta 80 personas restaurant, servicio de pic-nic ta excursions, tabierna, salón de TV, salón ta actividaz y chuegos, terraza solarium y sala de lectura. As instalacions encluyen tamién piscina cubierta, parque infantil y campo de petanca.

Por a suya situación, aintro d'o Parque Natural de Pocez-Maladeta, ye o punto perfecto ta salir a fer gambadas por a montanya. Se troba situato a 1.720 m d'altaria baixo os macizos de l'Aneto y a Maladeta, por o que se i puet fer senderismo (o GR 11 pasa amán), alpinismo, escalada, barranquismo, gambadas a caballo u con bicicleta de montanya, pesca u parapent entre atras actividaz esportivas.

Os banyos encantatos de Benás

Seguntes diz una leyenda d'a zona bi ha una espluga amán d'os Banyos de Benás a on se troban engarcholatos os servidors d'o Diaple, convertitos toz en piedras y rodiatos de flamas. Pareixe que o suyo sinyor les castigo, habendo de permaneixer astí, debito a que no yeran prou malos. O encantamiento s'esferá cuan apareixca en Ribargorza un ser que sía prou malo.

Se diz que a razón de que as auguas d'os banyos salgan d'a tierra calients ye que provienen d'ista espluga, y que son as flamas d'os servidors presos d'o Diaple as que la fan calentar. Ye por ixo que una persona no ha de banyar-se mas de nueu días consecutivos en istas auguas, si no quiere exponer-se a o maleficio d'os diaples que se troban en a espluga.

Vinclos externos

• (es) Baños Encantados de Benasque. GEA.