Žilina

De Biquipedia
Ir a la navegación Ir a la búsqueda
Žilina
Localidat d'Eslovaquia
Bandera Escudo d'armas
Žilina Námestie Andreja Hlinky.JPG
Plaza Andreja Hlinky
Estato
 • Rechión
 • Rechión historica
 • Districtos
Flag of Slovakia.svg Eslovaquia
Žilina
Trencsén
Žilina
Superficie 80,03 km²
Población
 • Total
 • Densidat

84.360 hab. (2012)
1054,1 hab/km²
Altaria 345 m.
Coordenatas
49°13′21″N 18°44′23″E
Žilina en Eslovaquia
Žilina
Žilina
Situación de Žilina en Eslovaquia
www.zilina.sk

Žilina (en hongaro Zsolna, en alemán Sillein u Silein) ye una ciudat situada a o norueste d'Eslovaquia en a confluyencia d'os ríos Váh, Kysuca y Rajčianka. Ye a cinquena ciudat mas gran d'Eslovaquia. A ciudat se troba entre as montanyas Malá Fatra, Strážovské vrchy, Súľovské vrchy, Javorníky y Kysucká vrchovina. En o suyo escudo bi ha una cruz doble y dos estrelas.

Población[editar | editar código]

Žilina tien una población de 85.302 (2009) habitantes,[1] d'os que alto u baixo un 96% son de nacionalidat eslovaca.[1]

Administración[editar | editar código]

Ján Slota, chefe d'o Partiu Nacional Eslovaco, estió alcalde d'a ciudat dica 2006. En as eleccions de noviembre de 2006 Ivan Harman d'o partiu SDKÚ fue trigau como nuevo alcalde. Dimpués d'as eleccions de 2010 Ivan Harman fue sustituyiu por Igor Choma d'o partiu Smer-SD.

Clima[editar | editar código]

A temperatura meya en chulio ye de 18 °C y en chinero de -4 °C. A ciudat permaneixe nevada entre 60 y 80 días a l'anyo.

Educación[editar | editar código]

A Universidat de Žilina fue establida en 1953 como o Colechio Superior de Transportes de Žilina. A Universidat se composa d'as 7 facultatz siguients:

  • Incheniería mecanica ;
  • Incheniería electrica ;
  • Incheniería civil ;
  • Telecomunicacions ;
  • Sciencias naturals ;
  • Incheniería forense ;
  • Economía y chestión de transportes.

A Universidat tien más de 9.000 estudiants. Os edificios d'a Universidat son concentraus en o campus de Velky Diel, encara que bells edificios son tamién en o centro d'a ciudat.

A ciudat tien una decena d'institucions d'educación segundaria, entre ellas un conservatorio y un Instituto Belga, a on una gran parti d'as clases son en francés.

Economía[editar | editar código]

Žilina ye o centro economico d'o norte de Eslovaquia, con a industria quimica (PCHZ), papel (Tento) y a construcción (Vahostav, Doprastav). A seu eslovaca d'o banco Dexia tamién ye situada en Žilina.

En 2004, o productor d'autos corián KIA prencipió a construcción d'una fabrica de montache d'autos d'ista marca a 5 km de Žilina, estando dimpués instalaus en a zona una dotzena de proveedors corians y europeus. A producción en a fabrica KIA prencipió en agüerro de 2006 y s'estima que a largo plazo a industria automovilistica creyará mas de 6.000 empleos nomás en a rechión de Žilina. En 2009, a fabrica de KIA teneba una producción de 300.000 vehíclos por anyo.

Transportes[editar | editar código]

Žilina ye historicament situada en un cruce de vías ferroviarias en o sentiu norte-sud y este-ueste. L'aeropuerto de Žilina asegura una unión diaria con Praga.

Deportes[editar | editar código]

O equipo de fútbol MŠK Žilina ha estau campión d'Eslovaquia tres vegadas consecutivas en os anyos 2002, 2003 y 2004. O equipo de hockey sobre chelo MsHK Žilina estió campión d'Eslovaquia en l'anyo 2006.

Os chirmans ciclistas profesionals Juraj y Peter Sagan, perteneixients a o equipo Bora-Hansgrohe, son orichinarios d'ista localidat.

Referencias[editar | editar código]

Vinclos externos[editar | editar código]