Wikipedia en vasco

De Biquipedia
Ir ta: navego, busca
Euskarazko Wikipedia
Wikipedia en vasco
Wikipedia-logo-v2-eu.svg
Euskarazko Wikipedia 2010.jpg
Portalada d'a Wikipedia en vasco, 26 d'abril de 2010.
Información cheneral
URL eu.wikipedia.org
Eslogan Entziklopedia Askea
(
A enciclopedia libre)
Comercial No
Tipo de pachina Enciclopedia
Rechistro Opcional
Idioma vasco
Propietario Wikimedia
Debantadera 1 d'aviento de 2001
Estato actual Activo
200.000 articlos
19 de setiembre de 2014

A Wikipedia en vasco u a Wikipedia en euskera (en vasco Euskarazko Wikipedia u Euskal Wikipedia) ye a edición en idioma vasco d'a Wikipedia. O 19 de setiembre de 2014 a Wikipedia en vasco blincó d'os 200.000 articlos.

Historia[editar | editar código]

S'encetó o 7 de noviembre de 2003, encara que o primer articlo ya s'heba escrito a calendata d'o 6 d'aviento de 2001.[1] O 15 de marzo de 2007 s'heba blincato d'os 17.000 articlos, metendo-se-ne en o puesto 42 por cantidat d'articlos .

O 25 de chinero de 2008 recibió o premio Sareko Argia, concedito por a revista Argia, premiando a suya faina en a espardidura d'o vasco en Internet y o rete virtual. O 6 d'abril de 2008, Wikipedia en vasco blincaba d'os 25.000 articlos; o 19 de febrero d'o 2009, plegó en os 35.000 articlos, o 15 de chulio de 2009 en os 40.000, o 13 d'octubre de 2009 en os 45.000. En zaguerías o 30 d'aviento de 2009 blincaba d'os 50.000 articlos. O 8 de noviembre de 2010, Wikipedia en vasco blincaba d'os 60.000 articlos.

2010: Reportache d'a Wikipedia en vasco en ETB3[editar | editar código]

O 9 de chunio de 2010 a cadena de televisión ETB3 emitió iste reportache sobre a Wikipedia Vasca.

Iniciativa d'o 2011: os 100.000 articlos[editar | editar código]

En marzo de 2011 se proposó, debatió, votó y aprebó entre totz os usuarios escomencipiar una iniciativa a meyo termin con un doble obchectivo: fer totz os articlos de totas as localidatz de Francia (as d'Espanya ya yeran feitas), y plegar asinas enta os 100.000 articlos. S'aspera que se plegue enta ista zifra alto u baixo o verano de 2011.


O 18 d'abril de 2011 a Wikipedia en vasco blincó d'os 70.000 articlos. O mesmo día a Wikipedia en vasco supero en cantidat d'articlos a la Wikipedia en galego (70.762 articlos), convertindo-se asinas en a quatrena Wikipedia d'a peninsula iberica dezaga d'a Wikipedia en castellán, a Wikipedia en portugués y a Wikipedia en catalán. A Wikipedia en vasco se troba en o tercer puesto en Wikipedias d'idiomas de Francia dezaga d'a Wikipedia en francés y d'a Wikipedia en catalán, y per debant d'a Wikipedia en bretón, d'a Wikipedia en occitán u d'a Wikipedia en corso.

O 20 d'abril de 2011 a Wikipedia en vasco blincó d'os 74.000 articlos y os 2.000.000 d'edicions, metendo-se-ne en o puesto 40eno por cantidat d'articlos. O 21 d'abril de 2011 a Wikipedia en vasco blincó d'os 75.000 articlos. O 22 d'abril de 2011 a Wikipedia en vasco blincó d'os 80.000 articlos. L'1 de mayo de 2011 a Wikipedia en vasco blincó d'os 90.000 articlos. O 4 de mayo de 2011 a Wikipedia en vasco blincó d'os 95.000 articlos, metendo-se-ne en o puesto 38eno por cantidat d'articlos.

En zagueras, y antis d'o que s'heba previsto por a iniciativa, o día 22 de mayo de 2011 a Wikipedia en vasco blincó d'os 100.000 articlos. O historico articlo 100.000 estió Euskararen debekua ("A prohibicion d'o vasco") articlo que trata d'a prohibición d'a luenga vasca mientres a historia d'Euskal Herria, estando-ne multitudinaria a suya redacción. Antis d'iste escaicimiento, s'heba debatiu entre totz os usuarios d'a Wikipedia en vasco ta esleir o tema de l'articlo 100.000, d'estar posible un tema emblematico relacionato con a luenga u con a cultura euskaldun. Dimpués d'esleir o tema se creyó, redactó y desembolicó iste articlo con a colaboración de totz os usuarios activos d'a Wikipedia en vasco.

O 19 de setiembre de 2014 a Wikipedia en vasco blincó d'os 200.000 articlos.

Desembolique d'a Wikipedia[editar | editar código]

Wikieguraldia[editar | editar código]

En octubre de 2008 s'anyadió una nueva sección a la de que ya existiba de Albisteak ("Noticias"), ista fue clamata Wikieguraldia ("o Wikiorache"). En base a dicha proposición, a traviés de coordenatas s'establioron diferents puntos por tota la cheografía d'Euskal Herria por meyo d'os qualos os usuarios asignaban a cadagún as previsions metereolochicas, y as temperaturas maximas y minimas.

En a primera metat de l'anyo 2009, y en no estar debidament actualizata, a iniciativa fue albandonata, encara que ye posible que en un futuro torne a fer-se.

Txoko berria ("O nuevo Txoko")[editar | editar código]

En zaguerías de chulio de 2009 debito a una nueva propuesta se reestructuró a sección Txokoa ("o Rincón") (parellana a las seccions "a Tabierna" u "Village pump" d'atras Wikipedias) y se anyadioron nuevas seccions. En a votación feita ta aprebar istos cambeyos, o resultato estió de quatre votos a favor y tres en contra.

D'ixa traza, a sección Txokoa se dividió en quatre subseccions: Albisteak ("Noticias"), Politikak ("Politicas"), Eskariak ("Peticions") y Laguntza ("Aduya").

Atariak ("Portals")[editar | editar código]

A calendata de marzo de 2010 a Wikipedia en vasco tien os siguients portals monograficos:

Paises[editar | editar código]

Luengaches[editar | editar código]

Imachen d'a Wikipedia en vasco.

Historia[editar | editar código]

Amás d'istos portales existen numerosos Wikiprochectos sobre materias de quantas tematicas.

Nueva Portalada Prencipal d'o 2010[editar | editar código]

O 18 de marzo d'o 2010 dimpués de celebrar-se previament a suya correspondient votación sobre o tema, s'engueró a nueva Portalada Prencipal d'o 2010.

Estatisticas[editar | editar código]

Numero d'articlos Calendata Articlo Autor
1 6 d'aviento de 2001 Lurra Drpolilla
1.000 abril de 2004
5.000 28 de chinero de 2006
10.000 28 de mayo de 2006
20.000 10 de setiembre de 2007
25.000 6 d'abril de 2008 Euskal Herriak Bere Eskola Theklan
30.000 12 de setiembre de 2008 Sexu Theklan
40.000 15 de chulio de 2009 Eden Project Euskalduna
45.000 13 d'octubre de 2009 Xinmin Hiria Zariquiegui
50.000 30 d'aviento de 2009 Errinozero Theklan
60.000 8 de noviembre de 2010 Posta kode Theklan
70.000 18 d'abril de 2011 Écurat TheklanBot
80.000 22 d'abril de 2011 Kolonbiako geografia Xirkan
90.000 1 de mayo de 2011 Isabel Farnesio Xabitxu
100.000 15 de mayo de 2011 Euskararen debekua Realizado por todos los usuarios activos de la Wikipedia en vasco
120.000 27 d'aviento de 2011
130.000 5 de mayo de 2012
200.000 19 de setiembre de 2014 Malda (topografia) Joxemai

Días en los que s'han creyato más articlos[editar | editar código]

Logos[editar | editar código]

Amás d'o logo prencipal d'a parte superior, a Wikipedia en vasco ha reyalizato diferents logos propios para celebrar días importants u festivos, u atro tipo d'escaicimientos anyals, como por eixemplo a Euskal Astea ("Semana Vasca"):

Referencias[editar | editar código]

  1. Se veiga http://eu.wikipedia.org/w/index.php?title=Lurra&diff=prev&oldid=74

Se veiga tamién[editar | editar código]

Vinclos externos[editar | editar código]