Gara (diario)
| Gara | |
|---|---|
 |
|
| Información cheneral | |
| Lema | Euskal Herriko Egunkaria |
| Periodicidat | Diaria (Publicación de maitins) |
| País |  Euskal Herria |
| Destribución | País Vasco y Navarra |
| Seu | Sant Sabastián |
| Fundación | 1999 |
| Carácter | Cheneralista |
| Ideyolochía | Cucha abertzale, nacionalismo vasco, socialismo, cuchas |
| Idioma | Vasco y castellán |
| Pre | 1,40€ |
| Difusión | 97.000 eixemplars |
| Editora | Euskal Komunikabideen Hedapenerako Elkartea (EKHE S.A.) |
| Director | Iñaki Soto |
| Columnistas | Artemio zarco, Floren Aoiz, Mertxe Aizpurua, Gloria Rekarte, Gorka Andraka |
| Caricaturistas | Tasio |
Gara (en vasco "Somos") ye un periodico bilingüe vasco/castellán publicato en a ciudat de Sant Sabastián, en Guipuzcua. Se caracteriza por estar un periodico de cuchas y independentista vasco.
Contenius |
[editar] Historia
[editar] Naiximiento
Gara amanixió en 1999 ta plenar o vueito que heba deixato o periodico de tamién editorial independentista y de cuchas Egin, que heba estato zarrato por orden chudicial d'o chuez Baltasar Garzón. En o marco d'o sumario 18/98, o chuez Garzón heba actuato contra a cupula d'ETA, refirindo-se a os que consideraba diversos "instrumentos operativos" d'a organización terrorista relacionatos tanto con o suyo soporte financiero como con a "difusión d'os planteyamientos d'a suya estratechia". Asinas, dimpués d'ilegalizar quantas interpresas y organismos baixo l'acusación d'estar relacionatas con a estructura financiera d'ETA, Garzón decretó o 15 de chulio de 1998 o cierre d'o diario Egin (chunto con a radio Egin Irratia y atras interpresas relacionatas), considerando que yeran integratas en a estructura d'ETA.[1]
Meyo anyo dimpués, amanixeba Gara (30 de chinero de 1999). Cuenta con 97.000 lectors diarios.[2]
En rematar a instrucción d'o caso Egin, l'Audiencia Nacional rebaixó l'acusación de colaboración con banda armata, lo que feba inchustificato o cierre. Pero allora, Orain S.A. ya heba dentrato en bancarrota, y o sector de mercato d'Egin heba estato cubierto por o diario Gara. Ni o diario Egin nian a radio tornoron a meter-sen en funcionamiento.
[editar] Lanzamiento
O diario Gara apareixió por primera vegata en os quioscos o 30 de chinero de 1999. O suyu naiximiento estió quatre meses dimpués de que se sinyase o Pacto d'Estella y, dende a suya aparición, o periodico fació suyo "o proposito de resolución, dende o respeto a os prencipios democraticos y a la realidat nacional vasca, d'o conflicto historico que afecta a Euskal Herria".
[editar] Capital popular
O nuevo diario naixió dimpués d'una campanya popular en a quala arredol de 10.000 presonas se convirtioron en accionistas d'o periodico. O capital con que prencipió o nuevo prochecto estió de 1.000 millons de pesetas, aportatos por ixos accionistas populars, con que se creyó a interpresa Euskal Herriko Komunikabide Elkartea (Asociación de Medios de Comunicación d'o País Vasco). Ista interpresa tamién ha feito atros prochectos comunicativos como Le Journal du Pays Basque en o País Vasco francés y a radio libre Info 7.
A primera plantiella d'o diario yera formata por 65 profesionals, dirichitos por a periodista d'Usúrbil Mertxe Aizpurua.
O 9 de chinero de 1999, se difundió un "numero zero", en que se apareixeban as razons ta creyar o nuevo periodico asinas como os prencipals elementos d'a suya linia tanto informativa como editorial. Dimpués d'ixe primer contacto, o 30 de chinero de 1999 plegaba o primer numero de Gara a os quioscos.
[editar] Actualidad
O 14 de chulio de 2008 fuents d'o diario afirmoron que a seu de Gara en Pamplona yera sosmesa a ascuitas telefonicas por parti d'a Policía Nacional de Pamplona.[3]
[editar] Referencias
- ↑ El sumario 18/98 ha sido el ariete judicial contra diversos sectores, articlo d'o diario Deia en o suyo especial de politica vasca (2004).
- ↑ Estudio General de Medios. Datos d'octubre de 2007 a mayo de 2008.
- ↑ 'Gara' denuncia escuchas telefónicas en su sede de Pamplona por EiTB
[editar] Vinclos externos
- (es)(eu) www.gara.net
