Wamba

De Biquipedia
Ir ta: navego, busca
Wamba
Rei d'o Reino Visigodo de Toledo
Wamba 01.jpg
Estatua de Wamba en a localidat de Madrit (Espanya), obra d'Alejandro Cranicero.

672 - 680
Coronación 20 d'octubre de 672 Toledo
Predecesor Recesvinto
Succesor Ervichio

Muerte anyo 688
Monesterio de Sant Vicent de Pampliega (Pampliega, hue en Burgos)
Enterreco Monesterio de Sant Vicent de Pampliega (Pampliega, hue en Burgos)

Wamba (pronunciato en aragonés /Bamba/) estió rei d'o Reino visigodo de Toledo dende o 20 d'octubre de l'anyo 672 dica l'anyo 680 quan fue depuesto; cal notar sindembargo que a nobleza visigoda ya l'heba nombrato rei en Gertici (l'actual Wamba, dita asinas en a suya honor) o 21 de setiembre de 672, quan morió o suyo predecesor Recesvinto. Estió o zaguer gran rei visigodo, y chusto dimpués d'él encomenzó a decadencia d'este pueblo ocupador d'a Peninsula Iberica.

Wamba convocó o XI Concilio de Toledo de l'anyo 675, en o que dictoron mesuras pa correchir os abusos y vicios eclesiasticos.

En a Baixa Edat Meya a delimitación de diocesis feita en o reinato de Wamba encara yera un referent, como se puet veyer en a Bula d'Hadrián IV.

En l'anyo 673 esclató una revuelta contra Wamba en a partita este de Septimania dirichita por o conte de Nimes Ilderico y o bispe de Maguelonne Gumildo. A situación se complicó quan o cheneral Pavlo que ninvió contra os rebels de Septimania tamién se li rebeló y prenió o control de Narbona y d'a partita oriental d'a Tarraconense, con Uesca incluyita. Esto obligó a Wamba a pactar con os vascons pa lanzar una ofensiva contra os nobles visigodos sublevatos. As fuents indican que Wamba pasó Calagorra, Uesca, Zaragoza, Leida, Tarragona, Barcelona, Chirona, y trescurzó os Pireneus pa rematar con a revuelta en zaguerías de l'anyo 673.[1] Este episodio representa una d'as zagueras noticias que ofreixen as fuents escritas de tiempos d'os visigodos a territorios actualment aragoneses.

Mención en fuents aragonesas y navarras[editar | editar código]

Como zaguer d'os grans reis visigodos, Wamba no podeba faltar en obras historiograficas, encara que a monarquía y a clase dirichent aragonesa no se consideraba continadora d'os visigodos como se desveniba en Asturias, Leyón u Castiella. Wamba ye mencionato como Bamba. Por razons etimolochicas l'Academia de l'Aragonés establió que os antroponimos d'orichen chermanico s'escribisen con W.

En a segunda versión d'o "Liber Regum" ye nombrato en quatre parrafos y en uno d'ellos senyalan como delimitó as diocesis:

E pues faularemos de los godos como uinieron en Espanna e como la conquirieron, e del rei Bamba e del rey Rodrigo e del comte don Julian, e como se perdie la tierra, e pues como se recobro. E pues faularemos de los reies e de los sennores qui foron en Castiella tro al Emperador e tro al rei don Alfonso. E pues faularemos de los reies de Nauarra e del rei Sancho Auarca tro al rei don Sancho. E pues diremos de los reies de Aragon, del rei don Remiro, que matoron en Grados, tro al rei don Pedro, el sobrino del Emperador.
Quando foron los godos entrados en España leuantaron rei de lor lignage, et est rei ouo nomne el rei Cindus, e fo xiano, e quando murie el rei Cindus non lexo fillo nenguno e rremaso la tierra sines rei, e non s acordoron las hientes de la tierra por auer rei e guerrioron se todos unos con otros grandes tiempos, e pues accordoronse e fizieron rei por elección al rei Bamba, e fo muit buen rei. Era DCC.X.
Est rei Bamba establie los arcebispados e los bispados de España dond ad ond fossen. Regno el rei Bamba XII annos, e pues empozonolo Eurigius, el nieto del rei Cindus, qui era godo, e murie assi e soterroronlo en Bragana.
[Fol. 32 V.] Quando fo muerto el rei Bamba regno Egica, so fillo de Eurigius, daquest qui auia empozonado al rei Bamba, et no regno mas de dos annos.

Tamién ye nombrato en a "Cronica de Sant Chuan d'a Penya":

et depues de la muert de aquesti regnó Sinda Zundo, et depues de aquesti Recesundo; et depues de la muert de aquesti regnó el rey Bamba, el qual fué muy cathólico rey et virtuoso et batallero mui marauilloso, é exampló é creció muyto el su Regno. Et depues de aquesti, regnó el rey Eruigio, et depues de aquesti regnó Flauio Egica; et depues regnó Euzica, el qual fué rey muy cruel; et aquesti rey mandó que todos los clérigos et vispos de su tierra prendiessen et tuuiesen drudas, et aquesti fiso enderrocar todas las fuerças de las ciudades et lugares de su Regno por tal que las sus gentes no pudiessen rebellar contra éll.

Referencias[editar | editar código]

  1. Maria Victoria Escribano Los Godos en Aragón CAI 100, 2000

Vinclos externos[editar | editar código]


Predecesor:
Recesvinto
Rei d'o Reino Visigodo de Toledo
672-680
Succesor:
Ervichio