Carnuz
De Biquipedia
O carnuz u carnota ye o cuerpo muerto d'un animal. O carnuz fa d'alimento ta muitos animals carniboros e omniboros de toda mena d'ecosistemas. Estos animals se dizen carnuzers.
Entre os eixemplos d'animals carnuzers se i troba as yenas, es bueitres, es fardachos, e muitas atras espezies. Muitos animals carniboros se tornan carnuzers cuan en tienen ocasión, perque ye prou més fazil aprofeitar as trazas d'atras bestias que no encalzar-ne bibas.
A descomposizión d'o carnuz s'enzeta malas que l'animal amorta, e dende alabez, o suyo grau de putrefazión creixe progresibament, estando un foco d'atrazión ta muitos inseutos e fuent d'alimento ta muitas espezies de microorganismos. Pocas oras dimpués d'a muerte, o cuerpo de l'animal prenzipia á fer una fuerte olor que ye consecuenzia de l'autibidat bacteriana á l'interior. Bellas espezies de plantas e fongos imitan a pudor d'o carnuz ta fer-sen atractibas ta es inseutos, y asinas los aprobeitan t'a suya propia reproduzión.
O carnuz ye tamién, por a cantidat de bacterias que tiene, una fuent important d'infeczions e posibles achents etiolochicos de malotías. Per ixa razón, se recomienda manullar-lo con ficazio y fer-lo tan luen como siga posible d'es lugars abitatos. Cal notar que carnuz ye una parola despeutiba, e sinnifica etimolochica e literalment mala carne. Tamién s'emplega como apelatibo despeutibo u insulto ta presonas.
