Vidkun Quisling
| Vidkun Quisling | |
|---|---|
 O politico noruego Vidkun Quisling, en una imachen de 1942. |
|
|
|
|
| 1 de febrero de 1942 – 9 de mayo de 1945 | |
| Precedito por | Cargo establito |
| Succedito por | Cargo abolito |
|
|
|
| 1931 – 1933 | |
| Primer menistro | Peder Kolstad (1931-1932) Jens Hundseid (1932-1933) |
| Precedito por | Torgeir Anderssen-Rysst |
| Succedito por | Jens Isak de Lange Kobro |
| Naiximiento | 18 de chulio de 1887 Fyresdal (Telemark, Noruega) |
| Muerte | 24 d'octubre de 1945 Oslo (Noruega) |
| Partito | Partito Agrario Nasjonal Samling |
| Conchuche | Maria Vasilijevna Quisling |
Vidkun Quisling, naixito de Fyresdal (Telemark) o 18 de chulio de 1887 y muerto executato por traidoría en Oslo o 24 d'octubre de 1945, estió un politico noruego. Encara que prencipió a suya carrera politica en a filas d'o Partito Agrario, plegando a estar Menistro d'Esfensa de Noruega en 1931-1933, fue obligato a albandonar ixe cargo quan ordenó a o Exercito noruego disparar contra unos vaguistas.
O 13 de mayo de 1933 establió un nuevo partito politico, dito Nasjonal Samling, que esdevenió o partito faixista noruego, que a escape esdevenió colaborador d'o Nationalsozialistische Deutsche Arbeiterpartei d'Adolf Hitler, mesmo antes de prencipiar a Segunda Guerra Mundial y que teneba una presencia nula en a vida politica noruega. Sindembargo, dende aviento de 1939 Quisling insistió dabant de Hitler en que caleba que o Tercer Reich ocupase Noruega ta evitar que as menas de fierro noruegas vendesen a suya producción a o Reino Unito, rematando o 8 de mayo de 1940 con a invasión de Noruega (y Dinamarca) por as tropas d'a Wehrmacht. Quisling s'autoproclamó primer menistro de Noruega y ordenó a rendición d'o Exercito noruego, encara que dengún no l'ascuitó. Continó estando un colaborador d'os nazis en Noruega, y o suyo partito esdevenió o partito unico d'o país por imposición d'os alemans, que lo nombroron l'1 de febrero de 1942 Menistro President de Noruega, un cargo de nueva creyación ta prebar de donar lechitimitat a la suya presencia en Noruega, encara que o Gubierno lechitimo, chunto con o rei y as institucions d'o país se trobaba en o exilio en o Reino Unito. Quan remató a guerra con a redota d'os alemans, fue arrestato o 9 de mayo de 1945 y condenato por alta traidoría, estando executato.
A suya politica de colaboracionismo con os alemans plegó a uns nivels que fan que o suyo nombre, quisling, haiga esdevenito en todas as luengas un nombre emplegato ta designar a qualsiquier traidor a o suyo país que colabora activament con os enemigos d'o país.
Vinclos externos [editar]
Se veigan as imáchens de Commons sobre Vidkun Quisling.
| Predecesor: Cargo establito |
Menistro President de Noruega 1942-1945 |
Succesor: Cargo abolito |
| Predecesor: Torgeir Anderssen-Rysst |
Menistro d'Esfensa de Noruega 1931-1933 |
Succesor: Jens Isak de Lange Kobro |
