Valentín Carderera

De Biquipedia
Ir ta: navego, busca
Valentín Carderera y Solano
O pintor, historiador de l'arte y arqueologo aragonés Valentín Carderera y Solano.
O pintor, historiador de l'arte y arqueologo aragonés Valentín Carderera y Solano.
Información personal
Calendata de naixencia: 14 de febrero de 1796
Puesto de naixencia: Flag of Aragon.svg Uesca (Plana de Uesca)
Calendata de muerte: 25 de marzo de 1880
Puesto de muerte: Flag of Spain.svg Madrit (Espanya)
Ocupación: Pintor, arqueologo y historiador de l'arte

Valentín Carderera y Solano, naixito de Uesca (Plana de Uesca) o 14 de febrero de 1796 y muerto en Madrit (Espanya) o 25 de marzo de 1880, estió un pintor, arqueologo y historiador de l'arte aragonés.

Formato en a Universidat Sertoriana de Uesca, enampló estudeos en Zaragoza, Madrit y Roma, aproveitando ta vesitar tota a peninsula italica.

Estió tamién comisario d'o Gubierno espanyol t'a inventario d'os monesterios afectatos por a desamortización de Mendizábal en bellas provincias de l'actual Castiella y Leyón. Intresato por o coleccionismo, as suyas coleccions estioron l'alazet d'un Museu que s'heba d'instalar en l'antiga seu d'a Universidat Sertoriana.

Respective d'o suyo treballo artistico, estió mas que mas un retratista (a sobén de presonalidatz politicas), adhibindo-ie bellos quadros de tematica historica. Prenió parte en a Exposición Internacional de París de 1855 y en a Exposición Internacional de Londres de 1862. Antiparte, estió miembro d'a Reyal Academia d'Artes Polidas de Sant Ferrando y d'a Reyal Academia d'a Historia.

Enrastrex externos[editar | editar código]