Telebisión

De Biquipedia

A telebisión (TB) ye un sistema de telecomunicazión ta la transmisión e recullita d'imachens (en mobimiento) e sonito á distanzia.

Ista transmisión se puet fer á trabiés d'ondas de radio u per retes espezializatos de telebisión per cordón. O rezeptor d'os siñals ye ro telebisor.

A parabra "telebisión" ye un ibrido d'a boz griega Tele (distanzia) e a latina visio (bisión). O termín telebisión se fa serbir ta toz os aspeutos de transmisión e programazión de telebisión. A begadas s'alcorza como TB.

[editar] Istoria

[editar] Primers desembolicos

Os primers intentos de transmitir imachens á distanzia se reyalizan por meyo d'a eletrezidat. Tamién s'aprofeita ra carauteristica d'o selenio de que a suya resistibidat baría seguntes a luz que inzide en él. As tecnicas alazetals que se pretende emplegar son o mosaico de deteutors de selenio e a esplorazión u barrido d'a imachen.

• 1884 - O estudiant alemán Paul Nipkow diseña e patenta o que ye considerato como primer traste de telebisión d'a istoria: o disco de Nipkow.
• 1897 - Karl Ferdinand Braun construye ro primer tubo catodico.
• 1900 - Perskyi enfalca ra parabra "telebisión" en a Esposizión Unibersal de París.
• 1907 - O diseño de Nipkow puede lebar-se á cabo.
• 1911 Rosing e Zworykin creyan un sistema de telebisión, con imachens mui crudas e sin mobimiento.
• 1923 – Vladimir Zworykin desembolican o iconoscopio, o primer tubo de cambra prautico.
• 1926 – O chaponés Kenjito Takayanagi fa a primera transmisión de telebisión emplegando un tubo de rayos catodicos .
• 1927 – Philo Farnsworth reyaliza en San Francisco a primera contrimuestra publica d'o suyo disector d'imachen, un sistema parellán á lo iconoscopio .
• 1927 – John Logie Baird transmite un siñal 438 millas á trabiés d'una linia de telefón entre Londres e Glasgow.
• 1928 – Baird Telebision Development Company transmite o primer siñal de telebisión transatlantico entre Londres e Nueba York.
• 1929 – BBC transmite imachens de 30 ringleras formatas mecanicamén.
• 1932 – Benditos en Inglaterra 10.000 rezeptors de telebisión con disco Nipkow de 30 ringleras.
• 1937 – Marconi - EMI comerzializan un sistema de 405 ringleras de tot eletrico.

O estudián alemán Paul Nipkow desembolicó e patentó ro primer sistema de telebisión eletromecanico en 1884. O disco de Nipkow ye reconoxito como ro primer rasterizator d'imachen de telebisión. De toz modos, no estió dica 1907 cuan o desembolique d'a tecnolochía de tubos d'amplificazión fazié ro diseño prauticable. Tanimientres, Constantin Perskyi enfalcó ra parabra "telebisión" en o testo leyito en o Congreso Internazional d'Eletrezidat mientres d'a Feria Internazional de París o 25 d'agosto de 1900. O testo de Perskyi rebisaba ras tecnolochías eletromagneticas esistents, ementanto ro treballo de Nipkow e atros.

En 1911, Boris Rosing e ro suyo estudián Vladimir Kosma Zworykin creyoron un sistema de telebisión que reyalizaba ro barrido con un mirallo-tambor ta transmitir, en parabras de Zworykin, "imachens mui crudas" a trabiés d'o tubo eletronico Braun (tubo de rayos catodicos) en o rezeptor. O mobimiento d'as imachens no yera posible perque en o escaneato "a sensibilidat no yera pro e ra zelula de selenio se ranzoniaba". Tiempo dimpués, Zworykin se'n estió ta treballar con RCA ta construyir una telebisión purament eletronica, cualo diseño estió acusato cuantas begadas de biolar as patents de Philo Taylor Farnsworth. A soluzión dezisiba, a d'una telebisión operando sobre os alazez d'una emisión d'eletrons contina con acabaladura e almadazenache d'eletrons secundarios fotatos mientres tot o ziclo de escaneato, estió descrita per primera begada per o imbentor ongaro Kálmán Tihanyi en 1926, con una bersión arrefinada que patentó en 1928.

O 25 de marzo de 1925, o imbentor escozés John Logie Baird ofrió una contrimuestra d'a silueta d'una imachen telebisata n'o Selfridge's Department Store en Londres. Pero como ra telebisión se definiba como ra transmisión d'imachens bibas, en mobimiento e con tonalidat, e no simplament siluetas, Baird archibó ro suyo proyeuto en pribato ro 2 d'otubre de 1925. Dimpués, Baird ofrió ra primera contrimuestra publica d'o funzionamiento d'un sistema de telebisión ta os miembros d'a Royal Institution e ta un periodista ro 26 de chinero de 1926 en o suyo laboratorio de Londres. Per contra d'os anteriors sistemas eletronicos con bels zientos de ringleras de resoluzión, a imachen escaneata berticalment per Baird, emplegando un disco guarnito con una dople religada de lentes, teneba nomás 30 ringleras, as chustas ta reproduzir una cara umana reconoxible. En 1927, Baird transmitió una siñal 438 millas a trabiés d'una linia de telefón entre Londres e Glasgow.

En 1928, a interpresa de Baird (Baird Television Development Company/Cinema Television) consiguió ro primer siñal de telebisión transatlantico entre Londres e Nueba York.