Sonito

De Biquipedia
Ir ta: navego, busca
Articlo d'os 1000
Representación esquematica de l'oido. (Azul: ondas sonoras. Royo: tempán. Amariello: cóclia. Verde: celulas que fan de receptors auditivos. Purpura: espectro de freqüencia de respuesta de l'oyiu. Narancha: impulso d'o niervo.)

O sonito ye una succesión de cambeyos de presión en un medio (solido, liquido u gas), prevocatos por una vibración que se i transmite en forma d'ondas sonoras. Os humans, y tamién muitos animals, pueden percibir o sonito a traviés d'o sentito d'a oyida. O rango de sonitos audible por l'hombre ye tipicament entre 20 Hz y 20 kHz.

A diferencia d'atros tipos d'enerchía calorifica, enerchía luminosa, que pueden viachar a traviés d'o vueito, o sonito necesita un medio material ta transmitir-se. Ista transmisión ye lonchitudinal en un fluido (liquido u gas) y transversal en un solido.

A velocidat d'o sonito (velocidat a que se desplaza o sonito) pende d'a densidat d'o medio a traviés d'o qualo viacha. En l'aire, ista velocidat ye de bells 340 metros por segundo, encara que varía con a temperatura y a humidat.

As prencipals caracteristicas d'as ondas sonoras son, como en qualsiquier atro tipo d'onda, a freqüencia y l'amplitut.