Silistra

De Biquipedia
Ir ta: navego, busca
Silistra
Силистра
Localidat de Bulgaria
Escudo d'armas
Anvista de Silistra
Estato
 • Oblast
Flag of Bulgaria.svg Bulgaria
Oblast de Silistra
Población
 • Total

34,988 hab. (2011)
Altaria 6 m.
Codigo postal 7500

Silistra (Силистра en bulgaro) ye una ciudat d'o nordeste de Bulgaria. Se troba en a ribera d'o Danubio, chusto en a suya marguin sud, que marca en este endreito a muga entre Bulgaria y Rumanía, y ye a ciudat principal d'a Dobrucha Bulgara, tamién conoixita como Quadrilatero de Silistra. En tota a suya historia Silistra ha cambiato de mans, y ha estato en a subchección de diferents pueblos. En o sieglo XX se la disputoron Rumanía y Bulgaria, quedando de pa cutio en Bulgaria por os tractatos que se facioron dimpués d'a Segunda Guerra Mundial.

A suya población ye de 34,988 habitants (2011).

Toponimia[editar | editar código]

Fue fundata en l'anyo 29 con o nombre de DUROSTORUM, que dimpués continó en tiempos de Chustinián I (sieglo VI) como Dorostol. En tiempos de Simeón I de Bulgaria recibió a denominación de Drastar en bulgaro antigo. Se troba variants d'estas formas orichinals latinas, griegas u eslavas en traduccions medievals de libros a l'aragonés como o "Libro de los Emperadors" y o "Libro d'as Marabillas d'o Mundo". A forma Silistra se remonta a lo turco otomán Silistre.

et co(n) grant pena escapo ssimeon et fuyo en huna ciudat clamada Daroscolo et aguora se clama Drisca[1]
et quando pleguo a Drisca do era aloiado el capitan de los Rosos el q(u)al auia nombre ffendosclauo et seyendo uista la huest de la otra part de contine[n]t se metiero(n) en el canpo de la batalla ,do se sforçauan bien la una part et la otra & la batalla era egual entre ellos entro çerqua uiespras, et apres los Rosos no pudiendo mas mantener la batalla començaron fuyr a los quales encalçauan los grieguos, et los unos matauan et a los [otros] prendian uiuos et ha quellos que scaparon entraron se a doroscolo et encontinent lenperador a ordenado lo su aloiament dauant el castiello et speraua las gualeas de los grieguos por (por) meter goarda en el rio de listro, apres aquesto el d(i)c(t)o ffendoclauo a feyto meter en presion todos los burguaros que tenia en su ayuda los quales eran .xx. mil dubdando se que no lo trayssen et fuessen con lenperador et entre tanto fue uenida la armada d(e)las gualeas de los griegos & en continent lenperador començo a conbatir el castiello et en aquesti medio uenieron enbaxadores de la ciudat de Constancia et de muytos otros castiellos et le demandaron perdon iusmetiendo se al inperio et a su ma(n)damiento, et los griegos estaron algun tiempo conbatiendo Dorastalo por que aquellos de dentro se defendian muy bien, mas por las spesas et continuas batallas de los grieguos fueron muertos muytos d(e)los del castiello, et encara les fallio la uianda por que una nueyt muyt scura el dito ffendoclauo sallio del castiello co(n) .ii. mil personas et se misso en una barcha & passaron pro uituala et quando an auido lo que les fazia mester sen tornaron a Dorastalo et entraron en el castiello no sabiendo res los grieguos
lenperador ha conbatida la ciudat de (de) Dorastolo,lx. Dias et non la pudo prender por fuerça de batalla por que acordo no conbatir lo sino solament tenir la assitiada que no puedan auer ninguna uitualla de ninguna part[2]
Et si he seido enlas otras t(ier)ras comarq(u)antes en este costado / como enla t(ier)ra de Rusia / enla t(ier)ra de niflan / et en(e)l Regno de Craco & de letto / Et en(e)l Regno de Rastan et en muchos ot(r)os logares enlas marq(u)as[3]

Referencias[editar | editar código]