Sestrals

De Biquipedia
Ir ta: navego, busca
As Sestrals
106.As Sestrals dende Sant Úrbez.jpg
As Sestrals dende
lo molín d'Aso (valle de Fanlo)
Situación
Situación D'entre la Val d'Anyisclo
y la val de Puertolas,
Uesca, Aragón.
Latitut 42º 31' 54" Norte
Lonchitut 0º 14' 15" Ueste
Cheografía
Cordelera Pireneus
Altaria 2106 m
Alpinismo
Primera puyada -
Rota mas fácil Dende Bestué per o
paso d'a Mallata Fueva.
Mapa
Perineu Aragonés (orografía).png
Montanya.svg

As Sestrals son tres puntas d'o serrato que s'alierga norte-sur en deseparando la Val d'Anyisclo de la Val de Puértolas. Amás, constituyen un segmento d'a muga d'o Parque Nacional d'Ordesa y d'o Mont Perduto.

A Sestral d'o Reguero u Garrot Campana (2073 m) ye la més septentrional d'as tres Sestrals. Deixa paso enta las estivas d'a Plana Canal y lo Tozal d'a Fueba, a on i fincan os cubillars d'a Mallata Fueva y la Plana Canal.

A Sestral Alta (2106 m) ye la punta més altera d'o conchunto, pero la suya forma, més arronchadeta que no las altras, la fan de confundir asobén. En o centro d'o mallo, ye la punta central d'o conchunto.

A Sestral Baixa (2060 m) ye la més meridional d'as tres tucas, zaguera d'antes d'a Breca d'os Aires, que ye lo nombre que prene en o lugar lo forato existent d'entre os carateristicos cillos d'ésta y Os Pueyos.

Es Puis ú Os Pueyos son as torricellas calsinosas que s'elevan dimpués d'a Sestral Baixa. O serrato se perlienga ta baixo enta la val d'o Bellós y se i clama Colluguana per ixa par.

En os cinglos de Sestrals se produce asobén chelifracción, las faixas se creban y los fragmentos de roca s'acumulan en o calcil d'os cinglos formando espuendas a on que se fa dificil a colonización por part d'os árbols.[1]

Referencias[editar | editar código]

  1. Fernando Biarge, José María García Ruiz, Ana Biarge Roca viva. El modelado del paisaje pirenaico. Diputación de Huesca, 2001. pp189