Chelifracción

De Biquipedia
Ir ta: navego, busca
Una piedra que s'ha crebau a favor de diferents plans de fractura por a chelifracción en Islandia.

A chelifracción u crioclastia ye un tipo de meteorización fisica que consiste en que una roca se creba u esminglana por a conchelación de l'augua que ha entrau en as suyas badas u crepas, producindo un efecto de falca porque l'augua encomienza a conchelar-se en a part externa y contina conchelando-se en o interior. Como o chelo ocupa un volumen més gran que l'augua liquida se produce un aumento de presión, que puede plegar a las 2000 Atm, y a roca se creba, podendo-se sentir o esclafiu. Pa que o efecto de falca siga efectivo o chelo ha de sellar as fracturas pa que l'aire u l'augua liquida no puedan salir-ne y aumente a presión.

Este proceso ye tipico, pero no exclusivo d'o sistema morfoclimatico periglacial. En a Peninsula Iberica ye freqüent en as arias montanyosas, y estió especialment activo en a zaguera glaciación, quan en gran part d'estas arias montanyosas bi heba condicions periglacials. Un d'os resultatos d'a chelifracción son as pedrizas, grans acumulacions de piedras a lo piet d'os cinglos y laderas quasi verticals.

Bibliografía[editar | editar código]