Río Bellós
De Biquipedia
|
||||
|---|---|---|---|---|
 O Bellós en pasando per dintro d'o forato d'as Cambras. |
||||
| Longaria | 27 km | |||
| Altaria d'o naxedero | {{{altaria}}} m | |||
| Cabal meyano | {{{cabal}}} m³/s | |||
| Superfizie d'a cuenca | {{{cuenca}}} km² | |||
| Naxedero | Endreito d'a Font Blanca, cara meridional d'As Tres Serols | |||
| Desembocadura | río Zinca, en Escalona | |||
| Estatos per an pasa | {{{estatos}}} | |||
| Territorios per on pasa | Aragón | |||
| Río | ||||
O río Bellós (en castellán Río Vellos), á sobent dito garona d'Añisclo en o suyo corso superior, ye un río que trascorre tota la suya lonchitut en a comarca d'o Sobrarbe, d'entre las balles d'Añisclo, o Quiñón de Fanlo e la balle de Puértolas.
Tien o naixedor en a bersant meridional d'o mallo d'as Tres Serols, en as faixas d'o Mallo Escuro (As Solas, 3002 m), á on que d'alto d'a peña en libra tota una torrentera escrumosa que s'espernia per o zillo, fendo puesto ta un d'es endreitos més besitatos d'o Parque Nazional d'Ordesa e d'as Tres Serols, conoixito como la Fuent Blanca (anque encara se n'ha conserbato lo toponimo Font Blanca, que se siente ocasionalment).
A suya garona se cuela per astí enta la barranquera d'A Grallera á escape, o forato que el ha de portar ta dintro d'a balle d'Añisclo per on que zircula, dintro d'as buegas d'o mesmo Parque Nazional, per bels 10 km, dica que n'amaneixe per baixo d'o puesto d'a ermita de San Urbez en o molín d'Aso. Á mientres d'o suyo transcorrer per Añisclo, o Bellós ha agafato las auguas d'o barranco d'a Pardina e en plegando ta lo molín, replega tamién o barranco d'Aso que enta lo puesto en ye baixato de Fanlo.
Zaga d'o molín, o Bellós se mete rapedo ta dintro d'ixaltro forato, dito Foz de Sant Urbez per o dezir d'a falordia d'o santo, e en enzata, d'allá ta baixo, lo camín d'o congosto d'as Cambras, per á on que més afuscato que no per alto en Añisclo, be de correr altros 9 km dica la Fuent d'os Baños de Puyarruego. A Fuent d'os Baños ye una biú d'auguas sulfurosas en a mesma ripa d'o río, que ya d'abe buens tiempos congregaba chent con toz ixambre de males d'á redol d'o Sobrarbe, que iban enta allá només que ta bañar-se-be. En o lugar de Puyarruego lo río ha socabatas unas gorgas en a peña que fan á bien prezisament ta bañar-se.
En a mesma campeta de Puyarruego, o Bellós i rezibe las auguas d'A Yesa, o suyo més gran afluyent, que en ye baixato d'a balle de Bio. D'entre Puyarruego e Escalona l'augua ye més calmera e baixa sin de guaire corrient.
