Sierra de Muro de Roda
- Iste articlo tracta sobre a sierra de Muro de Roda. Ta altros usos d'o toponimo «Muro de Roda» se veiga Muro de Roda (desambigación).
| Sierra de Muro de Roda | |
|---|---|
 |
|
| Cheografía | |
| Cordelera | {{{cordelera}}} |
| Sector | {{{sector}}} |
| {{{tpran}}} | {{{ran}}} |
| Maxima altaria | 1.036 m, Tozal de Muro de Roda |
| Tucas importants | Tozal de Muro (de Roda) (1.036 m), Tozal de Griébal |
| Largaria | 9 km |
| Amplaria | 3 km |
| Superficie | |
| Subsistemas | |
| Administración | |
| Estato | Espanya |
| País |  Aragón |
| Municipios | A Fueva y l'Aínsa-Sobrarbe. |
| Edat | |
| Materials | |
| Tipo | |
A sierra de Muro de Roda ye un sarrato d'Aragón, en a comarca d'o Sobrarbe, que desparte a val natural de o río Cinca y a Fueva, en delimitando parcialment a ista zaguera como subcomarca.
Fa bells 9 kilometros de lonchitut, en sentido quasi de tot norte-sud, y tiene o cabo norte en o congosto d'as Natas, a man de poblacions como Griébal y Arro (en a parte más oriental d'o termin municipal de L'Aínsa-Sobrarbe, en a ripa dreita d'a Cinca) y o cabo sud en o congosto de o barranco d'a Usía, a man de Mediano y o Lumo de Muro. Se tracta d'un sarrato menor, sin guaire más importancia que por a delimitación clara que ofreix de dos d'as tres principals cuencas en que gosa subdividir-se o Sobrarbe meridional.
O sarrato prene nombre de o lugar fortificau de Muro de Roda, historico enclau documentable dende o sieglo XI, que se troba virtualment en l'altura (1008 metros d'os 1036 maximos que se i aduben). En l'actualidat, Muro de Roda ye despoblau, pero va estar a capital de un municipio dito Muro de Roda dica la segunda mitat d'o sieglo XX. Derrepartidos por as garras d'a sierra se troba os lugars de Ministirio, o Lumo de Muro, Fumanal, a Corona, Arasanz, a Plana, Susiaz, a Lecina y Griébal
[editar] Se veiga tamién
Belaltros accidents topograficos que delimitan o perimetro d'a Fueva:
