Rosata

De Biquipedia
Ir ta: navego, busca
Finestra con rosata

Se diz rosata u rosada a la capa de chelo cristalín que se forma en las superficies exposatas a la intemperie y que s'han tornato prou fridas pa que u lo ruxío u agualera se chele u se produzca la sublimación inversa de la vapor d'augua que bi ha en l'aire.

La rosata se produce quan bi ha boira en un aire con temperatura menor de 0 °C, quan lo punto d'agualera ye por debaixo de lo de conchelación. Bi ha alavez, en la boira u nuble, muitas gotas d'augua en estato de sobrefusión, quan por un regular ya s'habrían conchelato. Ixe estato anormal s'atura quan las gotetas entran en contacto con bella superficie solida, como por eixemplo lo suelo, las fuellas de las plantas, los teitos, ecetra..., sobre la que se alavez se conchelan a escape en forma de cristals muito chicotz y brillants, deseparatos por inclusions d'aire.

Quan lo cielo ye raso de nueit puet producir-se un enfriamiento progresivo y fuerte de lo suelo, por radiación de la suya calor. La humidat atmosferica, que puet estar relativament calida y seca, se condensa sobre las superficies solidas en forma d'agualera u conchelando-se, si ixas son dichós 0 °C.

Efectos en las plantas[editar | editar código]

prato con rosata

La vechetación puet aguantar bien una nueit que las fuellas sían sozmesas a con condicions de conchelación. Las fuellas de las plantas forman una capa de estato liquido muito frido, asegurando temperaturas de -4 °C a -12 °C. Manimenos, una vegata que la rosata se forma, las celulas vechetals de la superficie de la fuella pueden malmeterse por haber-ie cristals de chelo filoso. Muitas bacterias son particularment efectivas quan se forma rosata.

Las plantas anuals, como las tomateras, morirán una vegata que se faiga la primera chelata de l'anyata. Las plantas caducifolias morirán tamién, pero tornarán a rechitar una vegata que plegue la primavera. A la fin, las plantas perens, como las coniferas, serán verdes tota l'anyata, encara que lur creiximiento siga mayor en temporatas sin de rosata.

Las diferencias en lo clima pueden influir a saber-lo en como malmete la rosata. Por eixemplo lo romero morirá quan siga a lo raso en arias més fridas, mientres que en puestos templatos calidos podrá sobrevivir.

Vinclos externos[editar | editar código]