Petiella d'Aragón

	Petiella d'Aragón; Petilla de Aragón; Petilla Aragoi
	Municipio de Navarra
	; Casa natal de Santiago Ramón y Cajal
Entidat; • Estau; • Comunidat; • Provincia; • Comarca	Municipio; Espanya; Navarra; Navarra; Comarca de Sangüesa
Superficie	28 km²
Población; • Total	; 28 hab. (2013)
Altaria; • Meyana	; 843 m.
Distancia; • 71 km	; enta Pamplona
Codigo postal	50686
Parroquial; • Diocesi; • Arcipestrau; • Parroquia	; Chaca; Erla-Uncastiello; Sant Millán Abat
Coordenadas	42°26’36’’N 1° 7’ 10’’U
	Petiella d'Aragón Petiella d'Aragón en Navarra
	Web oficial

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Petiella d'Aragón (en castellano Petilla de Aragón, en basco Petilla Aragoi) ye un municipio de Navarra, situato en o centro d'a comarca de Cinco Villas (Aragón). A población ye de 33 habitants en una superficie de 28 km² y una densidat de 1,18 hab/km².

Ye formato por dos enclaus diferents: o principal d'a capital d'o municipio y o enclau d'os Bastanes, a escasa distancia enta o sud. Petiella d'Aragón ye situata a 71 km d'a capital d'a comunidat foral de Navarra, Pamplona. Perteneixe a la merindat de Sangüesa.

Dende lo punto de vista eclesiastico, perteneixe a la diocesi de Chaca y archidiocesi de Pamplona.

O enclau principal de Petiella muga por o norte con Navardún y con Isuerre, por l'este con Uncastiello, y por l'ueste con Sos d'o Rei Catolico. L'enclau de Bastanes muga a o norte y a l'ueste con Sos, y a l'este y a o sud con Uncastiello.

Petilla ye famosa por estar o lugar de naixencia de Santiago Ramón y Cajal en 1852 y por a suya peculiar situación cheografica como enclau navarro en tierras aragonesas.

Cheografía

Ocupa una val lateral d'a val d'Onsella, que desaugua en o río Onsella, encara que o enclau de Bastanes fa parte d'a cuenca d'o río Arba por o barranco de Bastanes, afluent d'o río Riguel.

Historia

Bi habió un castiello, o castiello de Petiella, hué desapareixito, que completaba o sistema defensivo d'o primitivo reino d'Aragón, chunto a os castiellos de Sos (en Sos d'o Rei Catolico), Roita, Sibirana, Uncastiello (en Uncastiello), Luesia (en Luesia), Biel (en Biel) y Castiliscar (en Castiliscar).

Luenga aragonesa

Tamién estio lo zaguer lugar de Navarra en mantener viva la luenga aragonesa, charrata en a suya redolada, por a suya propia situación cheografica en as Altas Cinco Villas (hue Longars, unos 10 km a l'este ye bilingüe aragonés-castellano).

Aragonesismos usuals en Petiella d'Aragón son vacía y vación.