Hipólito Gómez de las Roces
| Hipólito Gómez de las Roces | |
|---|---|
|
|
|
| 1987 – 1991 | |
| Precedito por | Santiago Marraco Solana |
| Succedito por | Emilio Eiroa García |
| Naiximiento | 1932 Nava (Comarca d'Obiedo, Asturias) |
| Partito | PAR |
Hipólito Gómez de las Roces, naixito de Nava (comarca d'Oviedo, Asturias) en 1932, ye un politico y advogato aragonés d'orichen asturián, que estió o seiseno President d'o Gubierno d'Aragón (1987-1991), candidato por o partido politico que heba establito, o Partido Aragonés Regionalista (PAR).
Prencipió a suya carrera politica en os zaguers tiempos d'o franquismo, en estar dende 1974 dica 1977 o president d'a Deputación Provincial de Zaragoza. En as eleccions chenerals de 1977, se presentó en una candidatura independient por a provincia de Zaragoza, clamata Candidatura Aragonesa Independiente de Centro (CAIC), que obtenió un deputato en o Congreso d'os Deputatos por a circumscripción de Zaragoza, que estió o mesmo Hipólito Gómez de las Roces.
En aviento de 1977, Hipólito Gómez de las Roces disolvió a CAIC, ta establir un nuevo partito, que ye o Partido Aragonés Regionalista (PAR), que en as eleccions chenerals de 1979 se presentó en coalición electoral con Coalición Popular, estando trigato Hipólito Gómez de las Roces deputado en o Congreso d'os Deputatos por a circumscripción de Zaragoza.
Sindembargo, en as eleccions chenerals de 1982 y en as eleccions chenerals de 1986, o PAR se presentó en solitario, estando tamién esleito deputato en as suyas listas Gómez de las Roces. En 1987 renunció a la suya cadiera, ta presentar-se a las eleccions a Cortz d'Aragón de 1987. Con l'aduya d'o Partido Popular, yeran mayoritarios en as Cortz d'Aragón, y o PAR formó asinas Gubierno, encara que o Partido de los Socialistas de Aragón estió o partito con mayor numero de votos.
En as eleccions a Cortz d'Aragón de 1991 y en as eleccions a Cortz d'Aragón de 1995, Hipólito Gómez de las Roces fue esleito deputato en as Cortz d'Aragón, encara que no yera d'alcuerdo con a linia politica d'o suyo partito de pactos con o Partido Popular.
Dimpués albandonó a politica ta tornar a o suyo treballo d'advogato.
| Predecesor: Santiago Marraco Solana |
President d'Aragón 1987-1991 |
Succesor: Emilio Eiroa García |
