Palazio de l'Alchafaría
De Biquipedia
| Palazio de l'Alchafaría | |
|---|---|
 Siestro de Santa Isabel |
|
| Situazión | Zaragoza, Aragón |
| Construzión | sieglo XI por |
| Estilo arquitectonico | Andalusí, gotico, mudexar, barroco, renaxentista |
| Funzión | Residenzia reyal |
L'Alchafaría (Aljafaria en grafía SLA) ye un castiello-palazio construito en o sieglo XI en a ziudat de Zaragoza (Aragón).
Pasó a estar residenzia d'os reis cristians dezaga d'a conquista de Zaragoza por Alifonso I lo Batallero. Destaca la reforma que reyalizoron os Reis Catolicos en 1492. En 1593, Felipe II la transformó en cuartel.
I abió reformas en os sieglos XII (1129), XIII (1260 e 1292), XIV (1301 e 1356), XV (1490-1493), XVI (1593), XVIII (1772) e XIX (1862).
[editar] Nombre
O nombre se documenta por primera begata en un testo d'Al-Yazzar as-Saraqusti (autibo entre 1085 e 1100) e un atro d'Ibn Idari de 1109, como deribazión d'o prenombre d'Al-Muqtadir, Abu Cha'far, (trascribindo a letra chim arabe por ch): «Al-Chafariyya». «Al-Chafariyya» eboluzionó ta Alchafaría, escrito en aragonés meyebal como Aliafaria u Algafaría, e d'astí pasó ta o castellán «Aljafería», con j belar.
