Al-Muqtadir

De Biquipedia
Ir ta: navego, busca
Arabic components (letters) in the word Allah.svg Iste articlo contién transliteracions de l'alfabeto arabe. Ta mas información veyer "Transliteración de l'alfabeto arabe a l'aragonés".
Al-Muqtadir
احمد المقتدر بالله ابو جعفر
Rei d'a Taifa de Saraqusta

1046 - 1081
Predecesor Sulaymán ben Hud al-Musta'in
Succesor Al-Mutamín

Nombre real أحمد المقتدر
Naixencia  ?
Muerte 1081

Abú Chafar Áhmad ibn Sulaymán al-Muqtadir Billah estió rei d'a taifa de Saraqusta entre 1046 y 1081.

Abú Cha'far 'Ahmad al-Muqtadir Billah, d'a dinastía d'os Banu Hud, lebó a la taifa de Zaragoza a lo suyo inte más important politicament y cultural. Estió mecenas d'as sciencias, d'a filosofía e d'as artes. Fació construir o polito palacio de l'Alchafaría a on se reuniban importants intelectuals andalusís.

Al-Muqtadir consiguió achuntar baixo lo suyo mandato as tierras trestallatas dezaga o herencio d'os dominios de Saraqusta d'o suyo pai Sulaymán banu Húd al-Musta'in dividito entre ell y os suyos chirmans. Nomás Yusuf, gubernador de Leida, resistió mientres más de trenta anyadas os intentos d'integración d'o suyo chirmán, dica que fue preso en 1078.

Estió lo periodo de mayor fuga d'a Taifa zaragozana, que, en a segunda metat d'o sieglo XI, nomás teneba como rival a la Sevilla d'Al-Mutamid. As suyas mugas plegoron dica o Mediterranio, quan, dende 1076 reuniba baixo lo suyo dominio as taifas de Tortosa y de Denya, estando antimás lo rei d'a taifa de Valencia vasallo suyo.

Manimenos, a difícil situación de Zaragoza, menazata por o reino d'Aragón de Remiro I y Sancho Remíriz y con luitas continas por as tierras d'a estremadura navarra y castellana (Tudela, Soria, Guadalachara), obligaban tanto a Al-Muqtadir como a Yusuf de Leida a pagar parias a los suyos vecins cristians, especialment a lo poderoso Alifonso VI de Castiella.


Predecesor:
Sulaymán ben Hud al-Musta'in
Rei taifa de Saraqusta
1046 - 1081
Succesor:
Al-Mutamín