País Balenzián

País Balenzián; Comunidad Valenciana; Comunitat Valenciana
	Comunidat autonoma d'España
Bandera	Escudo
Capital	Balenzia
Idioma ofizial	Balenzián e castellán
Entidat; • Estato	Comunidat autonoma; España
Subdibisions	32 comarcas
Superfizie; • Total	Posizión 8 de 19; 23.255 km²
Poblazión; • Total; • Densidat	Posizión 4 de 19; 5.029.601 ab. (2008); 216,28 ab/km²
‎Chentilizio	Balenzián/a
ISO 3166-2	ES-VC
President	Francisco Enrique Camps Ortiz (PP)
Estatuto d'autonomía	10 d'abril de 1982
Día d'o País Balenzián	9 d'otubre
	Pachina web ofizial

De Biquipedia

Ir ta: nabego, busca

O País Balenzián u Comunidat Balenziana (País Valencià u ofizialment Comunitat Valenciana en balenzián; País Valenciano u ofizialment Comunidad Valenciana en castellán) ye una comunidat autonoma d'España situata en l'este d'a Peninsula Iberica. O suyo territorio, d'o que fan parte as probinzias de Alicán, Castellón, e Balenzia, ye o de l'antigo Reino de Balenzia, que estió acotolato en 1707 con os Decretos de Nueba Planta.

[editar] Mugas

Muga á lo norte con Cataluña e Aragón, á l'ueste con Castiella-La Mancha e con Aragón tamién, e á lo sur con a Rechión de Murzia.

[editar] Gubierno e almenistrazión autonomicos

O conchunto d'as instituzions d'autogubierno d'a Comunidat Balenziana constituye a Cheneralidat Balenziana (Generalitat Valenciana en balenzián). Fan parte d'a Cheneralidat: as Corz Balenzianas u Corts, o Presidén e o Gubierno balenziano u Consell.

O presidén d'a Cheneralidat ye tamién o president d'o Gubierno Balenzián.

A potestat lechislatiba drento d'a Comunidat, en materias d'a suya competenzia, corresponde á las Corz Balenzianas, que representan á o pueblo balenziano á trabies d'os suyos 99 parlamentarios.

[editar] Istoria

Enantes d'o trestallamiento en taifas las cronicas musulmanas en charran como u balad Balansiyya u destrito d'a ziudat de Balenzia.

Os orichens d'o País Balenzián como lo conoxemos se remontan á lo istorico Reino de Balenzia que yera drentro de la Corona d'Aragón e lo creyó Chaime I en o sieglo XIII en o contesto d'a conquista d'os reinos de taifas islamicos de Balenzia, Deña, e parti de Murzia, e posterior colonizazión feudal á mans de catalans e aragoneses que trayeban tamién atros cristians d'atras tierras.

Lo reino creyato por Chaime I desaparixió en lo legal en 1707 por os Decretos de Nueba Planta d'o rei Felipe V d'España. En os zaguers años d'o sieglo XIX i abió mobimientos cantonalistas, (o d'Alcoi), como en atras zonas d'España, (Cartachena). Tamién naxioron reibindicazions rechionalistas e mesmo nazionalistas de sinno catalanista que continoron en lo sieglo XX, que creyoron en bels setors una reaizión de sinno contrario que encara esiste.

En 1982 consiguió un Estatuto d'Autonomía que ha estato reformato en 2006.