Naschmarkt

De Biquipedia
Ir ta: navego, busca
Tipico puesto de mercato en o Naschmarkt de Viena, Austria.

O Naschmarkt (en alemán vienés Naschmoakd [1]) ye o mercato mas popular d'a ciudat de Viena en Austria. Situato en a Wienzeile chunto a o río Viena tien una longaria d'alto u baixo 1,5 kilometros.

O Naschmarkt ha existito dende o sieglo XVI, quan se vendeban astí mas que mas botellas de leit. Dende l'anyo 1793, todas as fruitas y vechetals que plegaban ta Viena en carro s'heban de vender en o Naschmarkt. Por o contrario, os productos que plegaban por o Danubio se vendeban en atros puestos d'a ciudat. Hue en día, se pueden mercar en ell fruita y vechetals frescos de tot o mundo, especias exoticas, queso, pan, Kaisersemmeln, tartas, carnes y mariscos. Tamién bi ha a-saber-los chicotz restaurants que ofreixen, por eixemplo, sushi, kebab, peix, marisco y comida tradicional de Viena como o Kaiserschmarrn u as Palatschinken. Tamién bi ha botigas que venden ropa y complementos. Totz os sabados dende 1977 o mercato se extendilla dillá d'a Wienzeile sobre un aria adchacent, a on se troba o Flohmarkt.

L'atmosfera unica d'o Naschmarkt ye famosa difuera d'as mugas de Viena, y un gran numero de toristas lo visita cada anyo.

O Naschmarkt en 1900

Referencias[editar | editar código]

  1. (de) Lilliput Wienerisch. Sussane Finsterl-Lindlar. Langenscheidt. 2011. ISBN 978-3-468-20015-1

Vinclos externos[editar | editar código]